ShUǴYL: Kókshetaý qalasynda bolǵan órttiń saldarynan 87 jastaǵy zeınetker qaza ushyrady, 32 adam kóshirildi
ASTANA. 1 jeltoqsan. QazAqparat - Búgin 14 saǵat 46 mınýtta ІІD-niń jedel basqarý ortalyǵyna Kókshetaý qalasyndaǵy Ortalyq shaǵynaýdanynyń kópqabatty turǵyn úıleriniń birinde órt shyqqany týraly dabyl tústi, dep habarlady Aqmola oblysy ІІD baspvasóz qyzmeti.
Oqıǵa ornyna polıtsııa qyzmetkerleri, №1 arnaıy órt sóndirý bóliminiń qutqarýshylary jetti, olar 32 adamdy qaýipsiz jerge kóshirdi, órt shyqqan aýdandy qorshaýǵa aldy.
Órtt 15 saǵat 28 mınýtta aýyzdyqtalyp, 15 saǵat 45 mınýtta tolyq sóndirildi.
Órt saldarynan №15 páterdiń balkonynan 87 jastaǵy páter ıesiniń múrdesi tabyldy, al onyń 1952 jyly týǵan uly aýyr termıkalyq kúıik dıagnozymen oblystyq aýrýhanaǵa jetkizildi.
Bul sharaǵa barlyǵy 45 polıtsııa qyzmetkeri, 8 avtomashına, 6 birlik órt sóndirý tehnıkasy, 25 órt sóndirýshi jumyldyryldy.
Aldyn ala aqparat boıynsha, órt páterdegi gazben qamtý júıesiniń aqaýynan bolǵan.
