ShUǴYL: Kıevte Joǵary rada eks-depýtatynyń ulyna shabýyl jasaý kezinde qazaqstandyq azamat zardap shekti
«Budan buryn Ýkraına Joǵary radasynyń depýtaty Aleksandr Efremov Kıev qalasynda Qazaqstan elshisiniń ulyn soqqyǵa jyqqany týraly aqparat taratyp, ol birqatar BAQ betterinde habarlanǵan bolatyn. Ýkraınadaǵy QR Elshiligi A.Efremovpen habarlasyp, onyń málimdemesiniń mánisi jaıly túsindirme aldy. Ol qazaqstandyq dıplomattarǵa oǵan qate aqparat túskendigin aıtyp, ketken olqylyq úshin keshirim surady. Onyń resmı keshirimi Ýkraınanyń aımaqtar partııasynyń saıtynda da jarııalanǵan. Belgili bolǵanyndaı, atalmysh oqıǵada A.Baısaqov esimdi qazaqstandyq azamat japa shekken. Qazirgi ýaqytta Qazaqstan Elshiligi resmı joldar arqyly A.Baısaqovtyń taǵdyryn anyqtaý jáne oǵan kómek kórsetý jumystaryn júrgizýde», - delingen habarlamada.
Eske sala keteıik, Aımaqtar partııasy fraktsııasynyń kóshbasshysy Aleksandr Efremov «Shýster Live» baǵdarlamasynyń efırinde Kıevte Joǵarǵy Radanyń burynǵy halyq depýtatynyń ulyn urlap ketkenin habarlaǵan bolatyn. «Ol Qazaqstan elshisiniń ulymen birge Kıev qalasynyń kóshesinde kele jatty. Qazaqstan elshisiniń ulyn soqqyǵa jyqty. Al ony mashınaǵa salyp alyp, belgisiz baǵytqa alyp ketti», - dep áńgimeledi A.Efremov. Keıin ony SІM joqqa shyǵarady.
