ShUǴYL: QHR-dyń Shyńjań-Uıǵyr avtonomııalyq ólkesinde lańkestik akti oryn aldy, 11 adam kóz jumdy
BEIJІŃ. 17 qarasha. QazAqparat - Qytaıdyń soltústik-batysyndaǵy Shyńjań-Uıǵyr avtonomııalyq ólkesinde bolǵan lańkestik akti saldarynan 11 adam qazaǵa ushyrady, ekeýi jaraqat aldy, dep habarlady «Sınhýa» agenttigi.
Quramynda 9 adam bar pyshaqpen jáne baltamen qarýlanǵan bandıtter toby ShUAÓ-niń Qashǵar okrýginiń Bachý ýezindegi Serikbuıa eldi mekenindegi polıtseı ýchaskesine shabýyl jasady. Shabýylshylar oqıǵa ornynda óltirildi. Shabýyl saldarynan eki halyq jasaqshysy qazaǵa ushyrap, eki polıtseı jaralandy. Beıbit turǵyndardyń arasynda eshkim zardap shekken joq.
Quqyq qorǵaý organdarynyń habarlaýynsha, bul aýdanda qazir qoǵamdyq tártip qalpyna keltirildi. Jergiikti ókimet oryndary shabýyl jasaǵandardyń biri Abýl Ahat ekenin anyqtady.
Bul bıylǵy jyly osy elde mekende bolǵan osymen ekinshi lańkestik aktisi. Sáýir aıynda quqyq qorǵaý organdary júrgizgen lańkestik topty joıý operatsııasy kezinde 21 adam qaza tapqan bolatyn, olardyń arasynda alty lańkes pen alty polıtseı boldy.
28 qazanda Beıjińde Tıananmen alańynda lańkestik oryn oqıǵa aldy. Avtomobıl týrıster tobyna soqtyǵysyp, jaryldy jáne órtendi. Lańkestik saldarynan eki týrıst qurban bolyp, 40-qa tarta adam jaralandy.
Tashkentte saparda júrgen QKP OK saıası-zań komıssııasynyń hatshysy Men Tszıanchjý Tıananmen alańyndaǵy lańkestik aktiniń artynda «Shyǵys Túrkistan ıslam qozǵalysy» ókilderi turǵanyn málimdedi.
Shyńjań Qytaıdaǵy «qyzý» núktelerdiń biri. Qytaı bıliginiń baǵalaýynsha, avtonomııalyq ólke aýmaǵynda «Shyǵys Túrkistan ıslam qozǵalysy» ekstremıstik uıymy áreket etýde.
12 qarashada aıaqtalǵan 18-shaqyrylǵan QKP OK 3-plenýmynyń qorytyndysymen Memlekettik qaýipsizdik keńesin qurý týraly sheshim qabyldandy.
«Qytaıdyń Memlekettik qaýipsizdik keńesin qurý týraly sheshimi lańkesterdi, separatıster men ekstremısterdi úreılendirgeni sózsiz. Bir sózben aıtqanda, memlekettik qaýipsizdikke syna qaǵyp, qaýipsizdik tóndirýge tyrysqan barlyq kúshter abyrjı bastady», degen túsindirme berdi QHR SІM resmı ókili Tsın Gan Memlekettik qaýipsizdik keńesin qurý týraly sheshimge baılanysty.
18 shaqyrylǵan QKP OK 3-plenýmy qorytyndylary boıynsha jarııalanǵan kommıýnıkede Qytaıdyń Memlekettik qaýipsizdik keńesin qurý týraly sheshimi ulttyq qaýipsizdik júıesi men strategııasyn jaqsartýǵa jáne memlekettik qaýipsizdikti qamtamasyz etýge baǵyttalǵany atap ótilgen.
