ShUǴYL: Kedendik baqylaý komıtetiniń 10 qyzmetkeri laýazymdaryna sáıkes emes - attestattaý nátıjesi
ASTANA. 17 shilde. QazAqparat - Kedendik baqylaý komıtetiniń 10 qyzmetkeri óz laýazymdaryna sáıkes emes.
Bul týraly QR Qarjy mınıstrligi Qedendik baqylaý komıtetiniń baspasóz qyzmetinen habarlady.
«Joǵary attestatsııalyq komıssııadan 28 aýmaqtyq keden organdarynyń basshylary men olardyń orynbasarlary attestattaýdan ótip, onyń 10-y laýazymdy qyzmetterine laıyqsyz dep tanyldy», - delingen habarlamada.
Vedomstvonyń atap ótýinshe, attestattaýdan óte almaǵan 10 qyzmetkerdiń 4-eýi qyzmetine laıyqsyz dep tanylyp, laýazymdaryn tómendetý usynyldy. Taǵy 2 qyzmetkerdi basqa laýazymǵa aýystyrý usynyldy, qalǵan 4-eýi keden organdarynan jumystan bosatyldy.
Qazirgi ýaqytta Ortalyq attestattaý komıssııasy óz jumysyn bastady. Komıssııa 176 laýazymdy qyzmetkerdi attestattaýdan ótkizedi. Olar kontrabandamen kúres bólimshesiniń, jedel kezekshilik jáne ishki qaýipsizdik qyzmetiniń qyzmetkerleri.
Bastapqy eki kezeńniń nátıjesi boıynsha attestattaýdan ótken 76 qyzmetkerdiń 9-y laýazymdy qyzmetterine laıyqsyz dep tanyldy.
