ShUǴYL: Qazaqtardyń aty men tegin durys jazý erejesiniń jobasy ázirlendi

Bul týraly búgin Májilistiń Áleýmettik-mádenı damý komıtetiniń keńeıtilgen otyrysynda «Memlekettik tildi damytýdaǵy problemalar týraly» máseleni talqylaý barysynda Mádenıet jáne aqparat vıtse-mınıstri Arman Qyryqbaev málim etti.

«Antroponımıka salasynda mınıstrlik tarapynan ulty qazaq azamattardyń aty men tegin durys jazý erejesiniń jobasy ázirlendi. Qazirgi tańda bul qujat saraptamalyq talqylaýdan ótýde. Budan basqa, volapıýk, ıaǵnı qazaq sózderin latyn árpimen kórsetetin arnaıy jasandy til grafıkasyn bekitý boıynsha jumystar júrgizilýde. Bul antroponımıka salasy úshin asa mańyzdy», - deıdi vıtse-mınıstr Arman Qyryqbaev.

Onyń aıtýynsha, qazirgi tańda atalǵan jumystar boıynsha ǵalymdardyń pikiri de, kózqarasy da ártúrli. «Sondyqtan da, biz belsendilik tanytqan ǵalymdardyń basyn qosyp talqylaý jumystaryn jalǵastyratyn bolamyz. Nátıjesinde azamattardyń qujattaryn rásimdeý jáne qazaq esimderin latynmen jazý máselesiniń sheshimi tabylmaq», - dedi ol.