ShUǴYL: Qazaqstannyń toǵyz oblysynda eskertý jarııalandy
ASTANA. 14 qańtar. QazAqparat - QR-nyń birqatar oblystarynda eskertý jarııalandy, dep habarlaıdy Qazgıdrometke silteme jasaǵan TJM-niń baspasóz qyzmetinen.
15 qańtar kúni kúndiz, 16 qańtarda túnde Jambyl oblysynda ońtústik-batys, batystan soǵatyn jeldiń 14-22 m/s deıin kúsheıýi kútiledi, keıbir jerlerde jel ekpini 30 m/s deıin jetedi, tuman túsip, kóktaıǵaq, burqasyn bolady.
15-16 qańtar kúnderi Aqmola, Soltústik-Qazaqstan, Pavlodar, Qaraǵandy, Qostanaı oblystarynyń kóptegen bóliginde qar túsip, burqasyn bolady, batystan 15-22 m/s deıin jetetin jel soǵady, jel ekpini 25 m/s deıin jetedi.
15 qańtarda Aqtóbe oblysynda qar jaýyp, keıbir jerlerde burqasyn bolady, soltústik-batystan 9-14 m/s deıingi jel kúsheıip, jel ekpini 15-20 m/s deıin jetedi.
15-17 qańtar aralyǵynda Shyǵys Qazaqstan oblysynyń keıbir jerlerinde qar túsip, burqasyn bolady, keıbir jerlerde 17-22 m/s deıin jetetin ekpindi jel soǵady.
15 qańtar kúni kúndiz Ońtústik Qazaqstan oblysynyń kóptegen bóliginde jaýyn-shashynnyń túsýi, keıbir jerlerde tuman, burqasyn, kóktaıǵaq kútiledi.
Astana qalasynda aýyspaly bulttylyq, keıbir kezderi qar jaýady, jaıaý burqasyn kútiledi. Aýa temperatýrasy túnde 15-17 gradýs, kúndiz 6-8 gradýs sýyqty kórsetedi.
Almaty qalasynda aýyspaly bulttylyq, jaýyn-shashyn bolmaıdy. Jeldiń kúshi 0-5 m/s deıin jetedi. Túngi temperatýra 7-9 gradýs, kúndiz - shamamen 0 graldýs sýyqty kórsetedi.
