ShUǴYL: Qazaqstannyń eki azamatshasy Pragadaǵy jarylys kezinde jeńil jaraqat aldy
ASTANA. 29 sáýir. QazAqparat - Pragadaǵy jarylys kezinde kórshiles úıde bolǵan Qazaqstannyń eki azamatshasy áınek jarqynshaǵy tıip, jeńil jaraqat aldy. Bul týraly búgin Tvıtterde QR Syrtqy ister mınıstrliginiń baspasóz qyzmeti habarlady.
Budan buryn habarlanǵandaı, jarylys Praganyń Karlovo ýnıversıteti men Chehııa Ulttyq teatrynyń janyndaǵy úıde bolǵan.
Jarylys saldarynan ǵımarat eleýli búlingen. Pragalyq qutqarýshylar basshysy Zdenek Shvartstyń aıtýynsha, keminde 40 adam - ýnıversıtet stýdentteri jaraqattanǵan. Kópshiligine synǵan áınekterdiń jarqynshaǵy tıgen. Tórt adam aýyr jaraqattarmen aýrýhanaǵa jetkizilgen. Anyqtalmaǵan málimetter boıynsha, zardap shekken bir adam kóz jumǵan.
Polıtsııa búkil aýdandy, sonyń ishinde teatr men mańaıdaǵy dámhanadaǵylardy kóshirgen. Ýnıversıtet ákimshiligi taıaý kúnderi sabaq bolmaıtynyn jarııalady. Aldyn ala boljam boıynsha, tótenshe oqıǵa gaz jarylýy sebebinen bolǵan.
