ShUǴYL: Qazaqstannyń birqatar oblystarynda qar, boran, kúshti jel kútilýde
ASTANA. 15 qarasha. QazAqparat - 17 qarasha kúni Aqmola oblysynyń basym bóliginde, 16,18 qarashada jekelegen jerlerinde qar jaýyp, boran bolady, 15-20 m/s jyldamdyqpen jel soǵady, keı kezde onyń ekpini 25 m/s-qa deıin jetedi. Bul týraly Qazgıdrometke silteme jasaı otyryp QR TJM-niń baspasóz qyzmeti habarlady.
Astana qalasynda 16-17 qarashada qar jaýyp, boran soǵyp, jel 15-20 m/s-qa deıin kúsheıedi dep kútilýde.
16-17 qarashada Pavlodar oblysynyń birqatar aımaqtarynda, 18 qarashada óńirdiń basym bóliginde qar jaýyp, boran soǵyp, 15-20 m/s jyldamdyqpen jel soǵady dep kútilýde. Keı kezderi jeldiń ekpini 25 m/s-qa deıin jetýi yqtımal.
Qostanaı, Soltústik Qazaqstan, Qaraǵandy, Shyǵys Qazaqstan oblystarynda 16-18 qarashada qar jaýyp, boran bolyp, 15-20 m/s jyldamdyqpen jel soǵady dep kútilýde. Keı kezderi jeldiń ekpini 25 m/s-qa deıin jetýi yqtımal.
19-20 qarashada Qostanaı, Aqtóbe, Soltústik Qazaqstan, Aqmola, Qaraǵandy, Pavlodar oblystarynda, 20-21 qarashada Shyǵys Qazaqstan oblysynda túnde aýa temperatýrasy kúrt tómendep, -15-20 gradýsqa deıin, jekelegen aımaqtarda 25 gradýs aıazǵa deıin sýytady.
19-20 qarashada Qyzylorda, 20 qarashada Ońtústik Qazaqstan, Jambyl, Almaty oblystarynda aýa temperatýrasy túnde -10-15 gradýsqa deıin, keı jerlerde mınýs 20 gradýsqa deıin tómendeıdi dep kútilýde.
