ShUǴYL: Qazaqstannyń barlyq aımaqtarynda aıaz kúsheıetini eskertildi
ASTANA. QazAqparat - Qazaqstannyń barlyq óńirlerinde derlik kún sýytyp, aıaz kúsheıedi, dep habarlady QR ІІM Tótenshe jaǵdaılar komıteti .
7-8 jeltoqsan kúnderi Astanada túnde aıaz 30 gradýsqa deıin sýytady.
7 jeltoqsanda Qostanaı, Soltústik Qazaqstan, Aqmola, Pavlodar oblystarynda qar jaýyp, burqasyn soǵady, ońtústik-batystan soqqan jel soltústik-batysqa aýysyp, 15-20 m/s-qa deıin kúsheıedi, uıytqýy 25 m/s-qa jetedi. Aýanyń temperatýrasy túnde 26-31 gradýsqa deıin, keı jerlerde 34 gradýsqa deıin sýytady. Aqtóbe oblysynda 20-25 gradýsqa deıin, Batys Qazaqstan, Atyraý oblystarynda - 16-21 gradýsqa deıin, keı jerlerde 24 gradýs, Mańǵystaý oblysynda - 10-15 gradýsqa deıin, keı jerlerde 20 gradýsqa deıin aıaz bolady.
7 jeltoqsanda Ońtústik Qazaqstan, Jambyl, Almaty oblystarynda kúshti qar jaýady, burqasyn júredi, ońtústik-batystan soqqan jeldiń ekpini 15-20 m/s-qa deıin, uıytqýy 25 m/s-qa deıin kúsheıedi. 8 jeltoqsanda aýanyń temperatýrasy túnde 20-25 gradýsqa deıin, keı jerlerde 30 gradýs aıazǵa deıin tómendeıdi.
7 jeltoqsanda Qaraǵandy, Shyǵys Qazaqstan oblystarynda qar jaýyp, kúshti boran soǵady, soltústik-batystan kúshti jel túryp, 15-20 m/s-qa, uıytqýy 25 m/s-qa deıin jetedi. 7-9 jeltoqsan kúnderi aýanyń temperatýrasy túnde keı jerlerde 30-35 gradýsqa deıin aıazdatady.
7 jeltoqsanda Qyzylorda oblysynda túnde aýanyń tempertarýasy 17-22, keı jerlerde 27 gradýsqa deıin tómendeıdi.
