ShUǴYL: Qazaqstannan Máskeýge bet alǵan avtobýs aýdaryldy
ASTANA. 31 mamyr. QazAqparat - Qazaqstannan Máskeýge bet alǵan avtobýs aýdaryldy, iri jol apatynda tártip saqshylary jumys isteýde.
Bul týraly Reseıdiń Samara oblysy boıynsha ІІD memlekettik mekemesiniń baspasóz qyzmetinen habarlady.
30 mamyr kúni saǵat 22.30-da «Kınel» ІІD kezekshi bólimine «Ýral-Mýhanovo» tas jolynyń 26-shy shaqyrymynda «Mersedes» avtobýsy aýdarylǵany týraly habar tústi. Oqıǵa ornyna Jolda júrý qaýipsizdigi memlekettik ınspektsııasynyń qyzmetkerleri shyqty. Tártip saqshylary kólik Qazaqstannan Máskeýge bet alǵanyn anyqtady.
Kóliktiń ishinde kórshi memleketterdiń biriniń azamattary boldy. Jol apaty saldarynan 10-ǵa jýyq adam túrli deńgeıdegi jaraqattar aldy. Japa shekkenderdiń barlyǵy jaqyn jerdegi medıtsınalyq mekemelerge jetkizildi. Búgingi tańda oqıǵanyń mán-jaıyn polıtsııa qyzmetkerleri anyqtaýda.
