ShUǴYL: Qazaqstandyq jattyqtyrýshy D. Óteshevtiń óliminiń sebebi belgili boldy - Tashkent
TAShKENT. 30 sáýir. QazAqparat - Sot-medıtsınalyq sarapshylardyń qorytyndysy Almaty qalasynyń aýyr atletıka boıynsha komandanyń aǵa jattyqtyrýshysy Danııar Óteshevtiń óliminiń sebebi - óz-ózine qol salýdan bolǵanyn rastady.
Bul týraly QR-dyń Ózbekstandaǵy Elshiliginen málim etti.
Buǵan deıin habarlanǵandaı, 28 sáýir kúni aýyr atletıka boıynsha aǵa jattyqtyrýshy Danııar Óteshev óziniń qonaq úı bólmesinde jansyz kúıde tabyldy. Aldyn ala boljam retinde óz-ózine qol jumsaý qarastyryldy. Jattyqtyrýshy 10 sportshymen birge 22 sáýir kúni eki aptalyq oqý-jattyǵý jıynyn ótkizý úshin Ózbekstan astanasyna kelgen edi.
Qazaqstandyq sportshylardyń aıtýlarynsha, jeksenbi kúni tańsáride jattyqtyrýshylary ózin nashar sezinip, bas aýrýyna shaǵymdanǵan. Al kúnniń ekinshi jartysynda quramanyń músheleri qonaq úıdegi bólmeniń esigin buzyp kirip, onda D. Óteshevtiń jansyz denesin tapty.
Dúısenbi, 29 sáýir kúni keshke QR-dyń ÓR-daǵy elshiligi konsýldyq bólimniń kómegimen D. Óteshevtiń denesi týysqandarynyń, jaqyndary men 10 sportshynyń ilesýimen Qazaqstanǵa jóneltildi.
