ShUǴYL: Qazaqstandyq tanymal aqyn, prozashy jáne kósemsózshi, «Nıva» jýrnalynyń bas redaktory Vladımır Gýndarev kenetten qaıtys boldy

Ol 1944 jyly 19 shildede Reseı Federatsııasynyń Novosibir oblysy Kyshtov aýdanyndaǵy Bolshereche selosynda dúnıege keldi. Eńbek jolyn 1959 jyly Frýnze atyndaǵy ujymsharda traktor tirkemeshisi bolyp bastady, Novosibir oblysynyń  aýdandyq gazet redaktsııasynda jáne Kemerov telehabary stýdııasynda jumys jasady. 1961 jyldan Qazaqstanda turdy, Tselınograd qalasy radıosynda, odan keıin 20 jyl boıy Qazaqstan jazýshylar odaǵynyń Tselınograd oblysaralyq bóliminiń ádebı keńesshisi bolyp qyzmet atqardy. 1990 jyly búginde Qazaqstanda jáne taıaý jáne alys shetelderde tanymal bolǵan «Nıva» jýrnalynyń negizin qalady. 2012 jylǵy tamyzda «Nıvanyń» mereıtoılyq 200-sany shyǵaryldy.

1963 jyldan KSRO (Qazaqstan) jýrnalıster odaǵynyń, 1978 jyldan KSRO (Qazaqstan) jazýshylar odaǵynyń múshesi, Reseı poezııa akademııasynyń korrespondent-múshesi (2006). Pavel Vasılev atyndaǵy respýblıkalyq ádebı syılyqtyń, Astana ákiminiń «Altyn  qalam» syılyǵynyń laýreaty. «Qurmet» ordenimen, bes medalmen, Reseı Federatsııasy syrtqy ister mınıstrliginiń janyndaǵy Reseı sheteldik ortalyǵynyń «Dostyq isine qosqan úlesi úshin» belgisimen marapattalǵan. 2012 jylǵy shildede Vladımır Gýndarevke Pýshkın medali tapsyryldy.

Vladımır Romanovıch ádebı shyǵarmashylyqpen 1959 jyldan bastap aınalysty. Jıyrmadan astam poezııalyq jáne kórkem-derekti kitaptardyń avtory. Onyń «Derevnıa moıa derevıannaıa» (1973), «Zımopıs» (1976), «Svetlyn-reka» (1980), «Kaplıa v more» (1982), «Prodoljenıe jıznı» (1987) óleńder jınaqtary,  «Vetka molnıı» (1994) tańdamaly shyǵarmalarynyń bir tomdyǵy, «Medovyı mesıats prı polnoı lýne» (2000), «ıA jıvý na planete Lıýbvı» (2003), «Svet rodıny, svet lıýbvı» (2003), «Dýsha stremıtsıa k nebesam» (2010), «Bez pıatı dvenadtsat» (2012) shyǵarmalary oqyrmandar men synshylardyń joǵary baǵasyn aldy. Onyń shyǵarmalary qazaq, ýkraın, nemis, koreı, slovak, frantsýz, ıspan, portýgal tilderine aýdaryldy.

Vladımır Gýndarev qazaq, túrikmen jáne ýkraın tilderindegi poezııalyq jáne prozalyq birqatar shyǵarmalardy orys tiline aýdardy. Derekti kıno- beıne- jáne telefılmderdiń, teatrlandyrylǵan qoıylymdardyń, teatr spektaklderine óleńderdiń avtory.

Aqynnyń «Derevenka moıa», «Tsvetı, moıa Astana!» jáne basqa da óleńderine ánder jazyldy.

Marqummen qoshtasý 28 tamyzda Astanadaǵy M.Gorkıı atyndaǵy memlekettik akademııalyq orys drama teatrynda saǵat 12-de ótedi.