ShUǴYL: Qazaqstanda búgin Almaty oblysynyń «Arqankergen» beketindegi 12 shekarashyny jerleý rásimderi ótedi
ASTANA. 10 maýsym. QazAqparat - Búgin elde Almaty oblysynyń «Arqankergen» shekara beketinde qaza tapqan 12 shekarashyny jerleý rásimderi ótedi. Keshe qaza tapqan shekarashylardyń súıegi eldiń 6 aımaǵyna; Atyraý, Jambyl, Aqtóbe, Almaty, Qaraǵandy, Batys Qazaqstan oblystaryna jetkizildi. Bizdiń aımaqtardaǵy tilshilerimizdiń habarlaýynsha, eki shekarashynyń - Rústem Aqylbaev pen Denıs Reıdiń máıitteri ázirge óz otandaryna jetkizilgen joq.
Eske sala keteıik, 30 mamyrda Almaty oblysynyń «Arqankergen» shekara beketinde 13 adamnyń órtengen máıiti tabyldy.
Bul týraly shuǵyl brıfıngide QR UQK Shekara qyzmeti dırektorynyń birinshi orynbasary - bas shtab bastyǵy Turǵanbek Stambekov habarlady.
1 maýsymda «Arqankergen» shekaralyq beketinde oqıǵa ornynan taǵy eki adamnyń máıiti tabyldy.
Elbasy Nursultan Nazarbaevtyń ókimimen shekarashylardyń qaza bolýyna baılanysty 2012 jylǵy 5 maýsym ulttyq aza tutý kúni bolyp jarııalandy. Bul qaza bolǵan sarbazdardyń týystary men jaqyndary úshin ǵana emes, búkil qazaqstandyqtar úshin zor qaıǵy boldy.
Ulttyq aza tutý kúni búkil Qazaqstan boıynsha Memlekettik tý tómen túsirilip, oıyn-saýyq sharalary toqtatyldy, radıo men teledıdarda barlyq oıyn-saýyq habarlary alynyp tastaldy. Barlyq jerlerde mekemeler men uıymdar ujymdary qaza tapqan shekarashylardy bir mınýt únsiz turyp, eske túsirdi.
«Arqankergen» ýaqytsha shekara beketinde qyzmetterin óteý kezinde qaza tapqan áskerı qyzmetshilerdiń tizimi:
- 1. Kereev Altynbek Qutjanuly, 1984 j.t., ýaqytsha bekettiń bastyǵy, kapıtan. Batys Qazaqstan oblysynyń Taıpaq aýdanyna qarasty Aqtóbe aýylynda dúnıege kelgen.
- 2. Aqyshev Erlan Erǵalıuly, 1988 j.t., kelisimshart qyzmetiniń kishi serjanty. Almaty oblysynyń Alakól aýdanynda dúnıege kelgen.
- 3. Aqylbaev Rústem Baǵdatuly, 1991 j.t., kelisimshart qyzmetiniń qatardaǵy sarbazy. Almaty oblysynda dúnıege kelgen.
- 4. Sársembaev Talǵat Amangeldiuly, 1984 j.t., kelisimshart qyzmetiniń qatardaǵy sarbazy. Almaty oblysynda dúnıege kelgen.
- 5. Ámirǵalıev Bekzat Abatuly, 1989 j.t., qatardaǵy sarbaz. Atyraý oblysynyń Qyzylqoǵa aýdanyna qarasty Mııaly aýylynda dúnıege kelgen.
- 6. Balǵabaev Danııar Ǵarıfollauly, 1992 j.t., qatardaǵy sarbaz. Atyraý oblysynyń Maqat aýdanyna qarasty Dossor aýylynda dúnıege kelgen.
- 7. Imenov Meıirhan Saǵyndyquly, 1992 j.t., qatardaǵy sarbaz. Atyraý oblysynyń Inder aýdanynda dúnıege kelgen.
- 8. Saǵynǵalıev Jeńis Dáýletuly, 1990 j.t., qatardaǵy sarbaz. Atyraý oblysynyń Qurmanǵazy aýdanyna qarasty Jylandy aýylynda dúnıege kelgen.
- 9. Іlııasov Janat Qanatuly, 1992 j.t., qatardaǵy sarbaz. Jambyl oblysynda dúnıege kelgen.
- 10. Úsipálıev Nurjas Dúısembaıuly, 1991 j.t., qatardaǵy sarbaz. Jambyl oblysynyń Talas aýdanynda dúnıege kelgen.
- 11. Aǵanas Qambar Asqaruly, 1991 j.t., qatardaǵy sarbaz. Aqtóbe oblysynda dúnıege kelgen.
- 12. Maqsatov Álı Іzturǵanuly, 1992 j.t., qatardaǵy sarbaz. Aqtóbe oblysynyń Oıyl aýdanynda dúnıege kelgen.
- 13. Muqashev Nurlanbek Qýatbekuly, 1991 j.t., qatardaǵy sarbaz. Qaraǵandy oblysynda dúnıege kelgen.
- 14. Reı Denıs Vıktorovıch, 1993 j.t., qatardaǵy sarbaz. Pavlodar oblysynyń Ýspensk aýdanynda dúnıege kelgen.
