ShUǴYL: Qazaqstanda 2013 jyly 30758 adam bilim berý granttarynyń ıegeri atandy
ASTANA. 11 tamyz. QazAqparat - Bilim berý granttaryn taǵaıyndaý boıynsha konkýrsqa qatysýǵa ótinish qabyldaý 130 joǵary oqý oryndarynyń, al konkýrsqa qatysý úshin ótinish blankilerin skanerleý 35 joǵary oqý oryndarynyń bazasynda ótkizildi.
Bul týraly Ulttyq testileý ortalyǵynyń resmı saıtynan habarlady.
Bilim berý granttaryn taǵaıyndaý boıynsha konkýrsqa ótinish berýshilerdiń sany - 68742, onyń ishinde qazaq tilinde oqytý bólimine - 51706 adam, orys tilinde oqytý bólimine 17036 adam tapsyrǵan. Grant taǵaıyndaý boıynsha Respýblıkalyq konkýrstyq komıssııanyń otyrysy aǵymdaǵy jyldyń 2-5 tamyzy aralyǵynda ótkizildi.
Respýblıkalyq konkýrstyq komıssııanyń jumys qorytyndysy boıynsha 30758 adam bilim berý granttarynyń ıegeri atandy, onyń ishinde qazaq bólimine - 21064, orys bólimine - 9694 adam.
Aǵymdaǵy jyly ortasha konkýrs boıynsha bir orynǵa 2,23 adamnan keldi.
Úlken konkýrs tómendegi mamandyqtarda (bilim berý grantynyń 1 ornyna 1 adamnan kelý qatynasynda) boldy:
- 5B020700 «Aýdarma isi» - orynǵa 65,75 adamnan (orys bólimi);
- 5B010400 «Bastapqy áskerı daıyndyq» - orynǵa 28,5 adamnan (qazaq bólimi);
- 5B011300 «Bıologııa» - orynǵa 17,28 adamnan (qazaq bólimi);
- 5B020200 «Halyqaralyq qatynastar» - orynǵa 16,4 adamnan (orys bólimi);
- 5B011600 «Geografııa» - orynǵa 14,48 adamnan (qazaq bólimi).
Bilim berý granttaryn taǵaıyndaý boıynsha Respýblıkalyq konkýrstyq komıssııanyń jumysy aıaqtalysymen bilim berý granty ıegerleriniń kýálikterin basý jáne bilim berý granty ıegerleriniń tizimin buqaralyq aqparat quraldarynyń baspa betterinde shyǵarý boıynsha jumystar júzege asyrylady.
