ShUǴYL: Qazaqstan tarıhy boıynsha Internette jarııalanǵan testter UBT-2013 tapsyrmalaryna sáıkes kelmeıdi - QR Bilim jáne ǵylym mınıstrligi
ASTANA. 3 maýsym. QazAqparat - Saıttardyń birinde (http://www.twirpx.com/file/168922/) Qazaqstan tarıhy boıynsha test nusqalarynyń jarııalanýyna baılanysty, QR BǴM Bilim jáne ǵylym salasyndaǵy baqylaý komıteti atalǵan test tapsyrmalarynyń saıtqa 2013 jyldyń sáýir aıynda ornalastyrylǵanyn habarlaıdy.
Ol kezde UBT-2013 bazasy áli qalyptasqan joq, al testter basylyp shyqpaǵan. Sáıkesinshe, olar UBT-2013 test bazasynyń jáne Ulttyq test ortalyǵynyń tapsyrmalary bolyp tabylmaıdy.
Júrgizilgen saraptama bul testterdiń mazmuny jáne resimdelýi boıynsha UBT-2013 bazasynyń test tapsyrmalaryna sáıkes kelmeıtinin kórsetti.
Osy saıtta ornalastyrylǵan matematıka boıynsha test tapsyrmalaryna keler bolsaq, olar synaq testiniń nusqalary bolyp tabylady.
