ShUǴYL: Qazaqstan básekege qabilettilik reıtıngisinde 42-orynǵa kóterildi
ASTANA. QazAqparat - Búgin Dúnıejúzilik ekonomıkalyq forým 2015-2016 jyldarǵa arnalǵan Jahandyq básekege qabilettilik jónindegi Esepti jarııalady.
2015 jyldyń qorytyndylary boıynsha básekege qabilettilik reıtınginde Qazaqstan óziniń ótken jylǵy ornyn 8 tarmaqqa jaqsartyp, álemniń 140 eli arasynda 42-oryndy ıelendi.
Bul - básekege qabilettilik ındeksiniń reıtıngine qatysýdyń búkil tarıhyndaǵy Qazaqstannyń úzdik nátıjesi.
Qazaqstannyń jalpy orta upaıy 4,49 (2014 jyly 4,42) quraıdy, bul elge Polsha (4,49) men Italııa (4,46) arasyndaǵy reıtıngtegi ornyn qamtamasyz etken.
TMD elderiniń arasynda Qazaqstan Ázerbaıjannan keıin (40-oryn) ekinshi orynda tur. Reseı 45-oryn, Grýzııa - 66-oryn, Ýkraına - 79-oryn, Tájikstan - 80-oryn, Armenııa - 82-oryn, Moldova - 84-oryn, Qyrǵyz Respýblıkasy - 102-oryn aldy.
Qazaqstannyń ınnovatsııalyq damý faktory boıynsha (78; +11) pozıtsııalarynyń aıtarlyqtaı jaqsarýy baıqalady. Innovatsııalar (72; +13) jáne Bıznestiń básekege qabilettigi (79; +12) faktorlary boıynsha ilgerileýge qol jetkizildi. Budan basqa, Qazaqstan Instıtýttar (50; +7) faktory boıynsha jáne Qarjy naryǵynyń damýy (91; +7) faktory boıynsha óz reıtıngin jaqsartty. Ótken jylmen salystyrǵanda Eńbek naryǵynyń tıimdiligi (18; -3) faktory boıynsha respýblıkanyń jaıǵasymy 3 tarmaqqa tómendegenin atap ótý kerek.
114 ındıkatory ishinde 73 ındıkator boıynsha jaqsarý, 30 ındıkator boıynsha tómendeý baıqalady, 11 ındıkator boıynsha ózgerister joq (Bezgektiń taralýy jáne Bızneske bezgektiń áser etýi sekildi eki kórsetkish boıynsha Qazaqstan malıarııanyń áserinen erkin elder tizimine engizildi).
Eń eleýli oń ózgerister Ónimin jahandyq úlestirýde jergilikti kompanııalardyń baqylaýy (60; +31) ındıkatory boıynsha baıqalady. Keden bajdary (73; +28), Monopolııaǵa qarsy saıasattyń tıimdiligi (68; +26), Keden rásimderiniń shyǵystary (55; +22) jáne Іshki naryqta ónim jetkizýshi sapasy (88; +20) kórsetkishteri boıynsha 20 jaıǵasymnan artyq jaqsarýǵa qol jetkizildi.
Bızneste personaldy oqytý praktıkasynyń taralýy (76; -14) ındıkatory boıynsha eleýli tómendeý baıqalady. Sonymen birge Qazaqstan Aýyl sharýashylyǵy saıasatynyń shyǵystary (70; -13) jáne Venchýrlyq kapıtaldyń qoljetimdiligi (59; -12) kórsetkishteri boıynsha oryndaryn aıtarlyqtaı joǵaltyp aldy.
