ShUǴYL: Qazaq poezııasynyń kórnekti ókili Farıza Ońǵarsynova dúnıeden ótti

1939 jyly 25 jeltoqsanda Gýrev (qazirgi Atyraý) oblysy, Novobogat aýdanyna qarasty Manash aýylynda týǵan. Alǵashqy óleńderi respýblıkalyq baspasóz betterinde 1958 jyly jaryq kórdi. Tuńǵysh óleńder jınaǵy «Sandýǵash» 1966 jyly jaryq kórgen. «Almas qylysh», «Tartady bozbalany magnıtim», «Saıraǵan Jetisýdyń bulbulymyn», «Tyńdańdar, tiri adamdar», «Qarǵys», «Qasiret pen erlik jyry» poemalary, «Úıim meniń - Otanym», «Mańǵystaý monologtary», «Revolıýtsııa jáne men» óleń toptamalarynyń avtory. Kóptegen shyǵarmalary shet el tilderine aýdarylǵan. Chılı aqyny Pablo Nerýdanyń «Júrektiń tórt mezgili» kitabyn, orys aqyny A.A.Bloktyń «Nápsi», «Kýlıkov dalasy», «On eki jyl ótken soń», «Karmen», «Qarly perde» óleń toptamalaryn, sondaı-aq, R.F.Kazakovanyń, E.A.Evtýshenkonyń, arab aqyny Ábdirahman ál-Hamısıdiń jekelegen shyǵarmalaryn qazaq tiline aýdarǵan. 1984 jyly «Úıim - meniń Otanym», «Mańǵystaý monologtary», «Revolıýtsııa jáne men» óleńderi toptamalary úshin Qazaq KSR Memlekettik syılyǵynyń laýreaty atandy. Lenın komsomoly Ortalyq Komıtetiniń, Qazaq KSR Joǵarǵy Keńesiniń Qurmet Gramotalarymen, «Qurmet Belgisi», Parasat (2001) ordenderimen marapattalǵan. Respýblıka mádenı-aǵartý isine eńbegi sińgen qyzmetker. Qazaqstannyń Halyq jazýshysy. Shyǵarmalary: Sandýǵash. Óleńder. A., «Jazýshy», 1966; Mańǵystaý marjandary. Óleńder. A., «Jazýshy», 1969; Mazasyz shaq. Óleńder. A., «Jazýshy», 1972; Asaý tolqyn. Óleńder. A., «Jazýshy», 1973; Kógershinderim. Óleńder. A., «Jazýshy», 1974; Bıiktik. Ocherkter. A., «Jazýshy», 1975; Bizdiń Kámshat. Povest. A., «Jazýshy», 1976; Seniń mahabbatyń. Óleńder. A., «Jalyn», 1977; Shilde. Tańdamaly. A., «Jazýshy», 1978; Nejnost. Stıhı. A., «Jalyn», 1978; Trevogı. Stıhı. M., «Molodaıa gvardııa», 1979; Ozarenıe. Stıhı. M., «Sovetskıı pısatel», 1980; Poldnevnyı jar. Stıhı. A., «Jazýshy», 1980; Suhbat. Óleńder. A., «Jazýshy», 1983; Júrek kúndeligi. Tańdamaly. A., «Jalyn», 1984; Daýa. Óleńder. «Jalyn», 1985; Almaznyı klınok. Stıhı. M., «Hýdojestvennaıa lıteratýra», 1984; Ojıdanıe solntsa. Stıhı. M., «Molodaıa gvardııa», 1985; Tańdamaly shyǵarmalary. Eki tomdyq. A., «Jazýshy», 1987; 10 tomdyq tańdamaly shyǵarmalar jınaǵy. 2004.