ShUǴYL: Qarjy polıtsııasy organdary anyqtaǵan bes myńnan astam ekonomıkalyq qylmystyń 90 paıyzy «kóleńkeli» salaǵa jatady

qarjy polıtsııasy organdarynyń basshylyq quramymen apparattyq keńes otyrysyn ótkizdi. Bul týraly vedomstvonyń baspasóz qyzmetinen málim etti.

Agenttiktiń tarıhynda alǵash ret onlaın rejıminde aýmaqtyq bólimshelermen beıne-konferentsııa baılanysy paıdalanyldy.

Jarty jyl buryn agenttiktiń janynan qurylǵan Sıtýatsııalyq ortalyqtyń aqparattyq-taldaý jumysyna jáne vedomstvonyń «kóleńkeli» ekonomıkaǵa qarsy turý boıynsha jumysyna aralyq qorytyndylar jasaldy.

Jyl basynan beri agenttiktiń negizgi kúshi «kóleńkeli» ekonomıka salasyndaǵy qylmystyq is-áreketterdi anyqtaý men onyń jolyn kesýge baǵyttaldy. Mundaı qylmystarǵa jalǵan kásipkerlik, bıýdjetten qosymsha qun salyǵyn qaıtarýdyń alaıaqtyq shemalary, munaı jáne alkogoldik ónimderdiń «kóleńkeli» aınalymy, zańsyz oıyn bıznesi, jalǵan aqsha jasaý jáne t.b. jatady.

Qarjy polıtsııasy organdarymen aǵymdaǵy jylǵy 9 aıda 5110 ekonomıkalyq qylmys anyqtalyp, olardyń 90%-y «kóleńkeli» ekonomıkaǵa jatady. Osyndaı qylmystardy anyqtaý ótken jyldyń osy kezeńimen salystyrǵanda 2 esege deıin artqan.

Eseptik kezeńde 1 mlrd.teńgeden astam aqshalaı qarajatty zańsyz qolma-qol aqshaǵa aınaldyrý ústinde 35 ustaý júzege asyryldy.

Zańsyz aınalymnan nomınaldy quny 29,8 mln. teńgeni quraıtyn 6 myń danaǵa jýyq jalǵan aqsha alyndy. Jalǵan aqsha jasaýmen aınalysqan 14 astyrtyn tsehtiń qyzmeti áshkerelendi.

Esepke alynbaǵan araq-sharap ónimderin jasaýmen aınalysqan zaýyttardyń zańsyz qyzmetiniń 4 deregi anyqtalyp, spırttik ishimdikterdi qoldan jasaýmen aınalysqan 10 astyrtyn tsehtyń qyzmeti áshkerelendi. 3 mlrd. teńgeden astam somanyń 6 mln. astam shólmek eskerilmegen alkogoldik ónimi jáne 4,3 mln. jasandy esepke alý-baqylaý markalary alyndy.

Zańsyz oıyn bıznesi qyzmetiniń jolyn kesý jumystaryn jandandyrý nátıjesinde 4 myńnan astam oıyn avtomaty, 63 rýletka, 98 pokerlik ústel jáne jalpy somasy 22 mln. teńgeden astam aqshalaı qarajat alyndy.

Nóldik stavkamen salyqtanatyn aınalymdar boıynsha bıýdjetten qosymsha qun salyǵyn zańsyz qaıtarý salasynda qylmystyq ister boıynsha memleketke keltirilgen zalaldyń mólsheri 1,5 mlrd. teńgeni qurap otyr.

Qarjy polıtsııasy organdarynyń qyzmeti osyndaı qylmystardyń aldyn alýǵa baǵyttalǵanyn R. Túsipbekov atap ótti. Osy maqsatta agenttikte qylmys jasaýǵa joǵary beıim salalardy taldaý jáne anyqtaýmen aınalysatyn Sıtýatsııalyq ortalyq quryldy. 

Osy qurylym krımınogendik jaǵdaıdyń taldaýy negizinde «kóleńkeli» ekonomıka salasyna beıim sýbektilerdiń aýmaqtyq pasporttaryn jasady. Olar ekonomıkalyq qylmystardy anyqtaýǵa keńinen qoldanylady.

Vedomstvo basshysy aýmaqtyq departamentterdiń basshylaryna qarjy polıtsııasy organdarynyń «kóleńkeli» ekonomıkaǵa qarsy turý jumysynyń nátıjeli bolýyn jetildirý boıynsha qosymsha sharalar qabyldaýdy tapsyrdy.