ShUǴYL: Qarjy polıtsııasy Bilim jáne ǵylym vıtse-mınıstri S.Shaıahmetovty ustady
ASTANA. 20 mamyr. QazAqparat - Qarjy polıtsııasy agenttigi Óskemen qalasyndaǵy 700 oryndyq oqý mekemesiniń qurylysy barysynda 1,5 mlrd. teńge bıýdjet qarajatyn
ıemdený jáne talan-tarajǵa salý faktisi boıynsha 2013 jyldyń 29 sáýirinde qylmystyq is qozǵady.
Bul týraly QR Ekonomıkalyq qylmysqa jáne sybaılas jemqorlyqqa qarsy kúres agenttiginiń baspasóz qyzmetinen málim etti.
Aǵymdaǵy jylǵy 14 mamyrda atalǵan qylmysty jasady degen kúdikpen Qazaqstan Respýblıkasynyń Bilim jáne ǵylym vıtse-mınıstri S.Shaıahmetov jáne «Salynyp jatqan QR bilim jáne ǵylym obektileriniń dırektsııasy» JShS bas dırektory A.Pak ustaldy.
17 mamyrda sot sanktsııasymen Shaıahmetov úı qamaýyna, Pak qamaýǵa alyndy.
Budan buryn atalǵan qylmysqa qatysy bar degen aıyppen «ZAK Servıs» JShS-nyń burynǵy bas dırektory R.Kıreev qamaýǵa alynǵan bolatyn.
Qylmystyq is tergelýde, ózge aqparat tergeý múddesine baılanysty jarııalanbaıdy.
