ShUǴYL: Karelııada Tý-134 ushaǵy apatqa ushyrap, 44 adam qaza tapty
ASTANA. 21 maýsym. QazAqparat - Karelııada Tý-134 ushaǵy apatqa ushyrap, oqıǵa saldarynan 44 adam mert boldy.
Aldyn ala málimetter boıynsha, ushaq Petrozavodsk áýejaıyna jaqyn jerdegi tas jolǵa qonbaq bolǵan, dep habarlaıdy VVS telekompanııasy.
«RýsEır» kompanııasynyń Máskeý-Petrozavodsk reısin oryndaýshy ushaǵy jerge qonar kezde apatqa ushyraǵan. Laıner bortynda 43 jolaýshy, jáne 9 ekıpaj múshesi bolǵan. Segiz adam, olardyń ishinde 10 jasar bala bar, Petrozavodsk aýrýhanasyna jetkizildi. Jeti adamnyń jaǵdaıy aýyr dep baǵalanyp otyr.
Taǵy bir aqparat boıynsha, qaza tapqandardyń ishinde bir Shvetsııa azamaty bolýy múmkin. Jolaýshylardyń arasynda reseılik tanymal fýtbol tóreshesi Vladımır Pettaıdyń da bolý yqtımaldyǵy aıtylýda.
Kúrdeli aýa raıynda qonbaq bolǵan ushaq, áýejaıdyń ushyp-qoný alańyna 700 metrdeı jerdegi tas jolǵa qulaǵan.
