ShUǴYL: Qaraǵandy oblysynda 30 sottalýshy ózderiniń denesine jaraqat saldy
ASTANA. 21 mamyr. QazAqparat - Búgin, 18 saǵat 15 mınýtta AK-159/22 qatań rejımdegi túzeý mekemesinde (Qaraǵandy oblysy, Qarajal qalasy) 30 sottalýshy shanyshpaly zatpen denelerine jeńil jaraqat salǵan.
Bul aktini olar tyıym salynǵan zattardy tárkileý jónindegi arnaıy kontıngentke qatysty josparly tintý sharalaryn ótkizýge kedergi jasaý maqsatynda jasaǵan.
Olardyń bárine aýrýhanaǵa jatqyzbaı-aq tıisti medıtsınalyq kómek kórsetildi.
Búgingi tańda AK-159/22 mekemesi belgilengen rejımde, ishki tártip erejesimen qalypty jumys isteýde.
Ótken jyldardyń tájirıbesi kórsetkendeı, mundaı arandatýshy áreketterdi keıbir aram pıǵyldy sottalýshylar toptary rejımdi jáne tárbıe jumysyn álsiretý úshin qasaqana jasaıdy, dep atap kórsetti QR ІІM QAJK baspasóz qyzmeti.
