ShUǴYL: Qandyaǵashta soqtyǵysqan kólikter órtenip, 3 adam qaza tapty, 14-i aýrýhanaǵa jetkizildi
ASTANA. 18 maýsym. QazAqparat - Aqtóbe oblysynyń Qandyaǵash qalasynda Aqtóbe-Astrahan tas jolynyń 107 shaqyrymynda 17 maýsym kúni saǵat 16.30-da «VAZ» jáne «ÝAZ» markaly kólikter soqtyǵysyp, «VAZ» tolyǵymen jáne «ÝAZ» markaly kólik jartylaı otqa orandy.
Órt saǵat 17.20-da sóndirildi. Jol-kólik apatynyń saldarynan «ÝAZ» markaly kóliktiń 24 jasar júrgizýshisi men jeke tulǵalary anyqtalmaǵan eki jolaýshysy oqıǵa ornynda kóz jumdy, dep habarlady QR TJM-niń baspasóz qyzmeti.
«ÝAZ» markaly kóliktiń 30 jastaǵy júrgizýshisi men onyń 12 jolaýshysy - 7 eresek, 12,15 jáne 17 jastaǵy úsh jasóspirim, 10 jáne 8 jastaǵy eki bala jáne «VAZ» kóliginiń 21 jasar jolaýshysy aýrýhanaǵa jetkizildi.
Tótenshe jaǵdaıdy joıýǵa QR TJM Aqtóbe oblysy boıynsha TJD órtke qarsy qyzmetiniń 4 adamy men 1 tehnıkasy jumyldyryldy.
