ShUǴYL: Isa Aqberbaev bokstan úshinshi ret aýyr salmaqtaǵy Qurlyqaralyq álem chempıony atandy
ALMATY. 13 mamyr. QazAqparat - Búgin túnde Ýkraınanyń Brovarı qalasynda Halyqaralyq boks uıymynyń (ІVO) Qurlyqaralyq álem chempıony Isa Aqberbaev óz ataǵyn sátti qorǵap shyqty.
Onda 29 jasar almatylyq 37 jastaǵy argentınalyq Maýro Adrıan Ordıalesti 12 raýndtyq jekpe-jektiń 3-raýndynda tehnıkalyq nokaýtpen utty. Bul onyń kásipqoı bokstaǵy 10-ynshy kezdesýi bolatyn. Qarsylasyna birde-bir ret jeńis tizginin ustatpaǵan qazaqstandyq osymen jetinshi kezdesýin merziminen buryn aıaqtap otyr.
2010 jyly 4 qarashada Germanııanyń Berlın qalasynda Búkilálemdik boks keńesiniń (WBC) Azııa boks ókildiginiń chempıony, al 2011 jyly 36 naýryzda Reseıdiń Ekaterınbor qalasynda bos turǵan Halyqaralyq boks uıymynyń Qurlyqaralyq álem chempıony ataǵyn jeńip alǵan I.Aqberbaev óz ataǵyn taǵy eki ret qorǵaıtyn bolady. Odan keıin Halyqaralyq boks uıymynyń aǵymdaǵy Álem chempıonymen judyryq túıistirmekshi. Al 1975 jyly 17 qańtarda Býenos-Aıres qalasynda ómirge kelip, 27 jasynda kásipqoı bokstan óz baǵyn izdegen Maýro Adrıan Ordıalestiń bul 38-shi kezdesýindegi 10-ynshy, onyń ishinde nonaýtpen 9-ynshy ret jeńilis tabýy bolyp otyr. Buǵan deıin 28 ret jeńiske jetken ol 2011 jyly 12-qarashada Polshanyń Gdınıa qalasynda Búkilálemdik boks uıymynyń (WBO) Qurlyqaralyq chempıony ataǵyna úmitker bolǵanymen, Pavel Kolodpıejden tehnıkalyq nokaýtpen utylǵan edi.
