ShUǴYL: Іle Alataýy ulttyq saıabaǵynyń aýmaǵynan 261 bala qaýipsiz jerge kóshirildi, 500-den astam adam 16 ga jerge taraǵan órtti sóndirýde
ASTANA. 23 tamyz. QazAqparat - Almaty oblysyndaǵy Іle Alataýy memlekettik ulttyq tabıǵı saıabaǵyndaǵy Medeý shatqalynda aldyn ala málimetter boıynsha, keshe saǵat 22:35-te Mohnatka taýynyń bókterindegi pishen, taý-shilik jáne aǵashtar órtene bastady,
dep habarlaıdy QR TJM.
«Taý kúni» balalar lagerinen 261 bala qaýipsiz jerge kóshirildi, olardyń ishinde 187 balany ata-analary alyp ketse, Atyraý jáne Almaty oblystarynan kelgen 74 bala jáne 12 eresek adam Almaty qalasyndaǵy Klochkov kóshesi boıynda ornalasqan № 17 mektep-ıternatyna ornalastyryldy.
Órtti sóndirýge QR TJM Almaty jáne Almaty oblystyq órt sóndirý qyzmetindegi jeke quramnyń 257 adamy men 20 tehnıka birligi, Іle Alataý Memlekettik ulttyq tabıǵı saıabaǵynyń 42 adamy men 2 tehnıkasy, Almaty qalalyq ákimdiginiń 22 tehnıkasy (sýaratyn mashınalar), QR TJM 28237 áskerı bólimindegi jeke quramnyń 206 adamy men 12 tehnıkasy, QR TJM «Qazavıaspas» AQ-nyń 5 tonnalyq sýaǵary bar MI-171 tikushaǵy, Almaty qalalyq «Qutqarý qyzmetiniń» bir tikushaǵy, «Áýeormankúzetiniń» bir tikushaǵy jumyldyryldy. Órt aýmaǵy 16 gektar jerdi qurady. Qaza tapqandar men zardap shekkender joq.
Barlyǵy 505 adam men 56 tehnıka, 3 tikushaq jumyldyryldy, olardyń ishinde QR TJM-niń jeke quramynyń 463 adamy, 32 tehnıkasy jáne 1 tikushaǵy boldy.
