ShUǴYL: Іle-Alataý memlekettik ulttyq saıabaǵyndaǵy qylmysqa qatysy bar kúdikti eki ekstremıst izdestirilýde (FOTO)
ASTANA. 27 qyrkúıek. QazAqparat - Bıyl 13-14 tamyzda Іle-Alataý ulttyq saıabaǵynda pyshaq jaraqattary bar 6 máıit, keıin órtenip ketken ormanshynyń úıinen 6 adamnyń máıiti anyqtalǵanyn budan buryn habarlaǵanbyz.
Sol kúni atalǵan fakti boıynsha qylmystyq is qozǵalyp, ІІM, Almaty qalasy jáne Almaty oblysy ІІD tájirıbeli qyzmetkerleri qatarynan jedel-tergeý toby quryldy, barlyq qajetti sot-krımınalıstıkalyq saraptamalary taǵaıyndaldy. Ótkizilgen jumystar nátıjesinde búgingi kúni tergeýde atalǵan qylmysty dinı ekstremızm tobynyń músheleri jasaǵandyǵy jóninde naqty negiz bar, olardyń jeke bastary tolyq anyqtaldy.
Zańsyz turǵyda bolǵandyqtan olar turǵylyqty oryndaryn jıi aýystyryp, jalǵa beriletin bólmelerdi paıdalanǵan, sonyń ishinde Almaty oblysy Taý samaly kentindegi úıde turǵan, sol jerde aǵymdaǵy jyldyń shildesinde qoldan jasalǵan qondyrǵy jarylǵan. Sondaı-aq Baǵanashyl kentinde turǵan, ol jerde arnaıy operatsııa ótkizý barysynda toptyń basym bóligi joıylǵan.
QR Іshki ister mınıstrliginiń baspasóz qyzmeti habarlaǵandaı, qazirgi ýaqytta atalǵan faktiler boıynsha qylmystyq ister bir iske biriktirilip, arnaıy prokýror basqaratyn vedomstvoaralyq jedel-tergeý toby quryldy.
Toptyń basqa múshelerin quqyq qorǵaý organdary izdestirýde. Ol Batys Qazaqstan oblysynyń týmasy 1975 jyly týǵan Haıyrov Saıan Mahsotuly jáne Jambyl oblysynyń týmasy 1978 jyly týǵan Botabaev Zaýrbek Rasılhanuly. Olardy izdestirý úshin respýblıkanyń ishki ister organdary jeke quramyna baǵdar berildi.
Іshki ister mınıstrligi izdeýdegilerdiń asa qaýipti ekendigin, qarýly bolýy múmkin ekendigin eskere otyryp, turǵyndarǵa óz betinshe shara qoldanbaýdy eskertedi. Olardyń bolatyn oryndaryn bilgen jaǵdaıda dereý turǵylyqty orny boıynsha ishki ister organdaryna nemese ІІM-ne 71-40-07 telefon nómiri arqyly habarlaýdy suraıdy.
Tergeý qupııasyn saqtaý maqsatynda tolyq aqparattar BAQ-qa jáne jurtshylyqqa tergeý aıaqtalǵannan keıin jarııalanatyn bolady.
