ShUǴYL: Gennadıı Golovkın WBA tıtýlynyń ıegeri atandy
ASTANA. 2 qarasha. QazAqparat - Qazaqstandyq boksshy Gennadıı Golovkın ortasha salmaqta WBA tıtýlynyń ıegeri atandy, dep habarlady Álemdik boks assotsııasyna silteme jasaı otyryp Vesti.kz.
Bul 31 jastaǵy avstrııalyq Denıel Gıldi ortasha salmaqtaǵy WBA sýperchempıony ataǵynan aıyrý sheshimi qabyldanǵan soń múmkin boldy. Óziniń ataǵyn WBA burynǵy sýperchempıony Felıks Shtýrmanǵa qarsy shyqqan avstralııalyq boksshy ony mindetti qorǵaýdy ótkizbeýdi sheshti. Onyń ornyna Gıl aldaǵy jyldyń basynda óziniń 37 jastaǵy otandasy Entonı Maıdaınmen qaıta aıqaspaq bolyp otyr. 2009 jyly Maıdaınmen bolǵan jekpe-jek tóreshilerdiń sheshimimen oǵan jalǵyz jeńilis ákelgen edi.
«Biz WBA-ǵa bul jaǵdaıdy anyqtap, Gennadııdi ortasha salmaqtaǵy jalǵyz chempıon retinde tanyǵany úshin rızashylyǵymyzdy bildiremiz. Gennadıı ózinde WBA jáne IBO belbeýleriniń baryn maqtan etedi jáne alańǵa qaıtyp oralýyn taǵatsyzdana kútýde», - dep jazady K2 promoýteri Tom Lefflerdiń sózderin keltire otyryp BoxingScene saıty.
Osylaısha, WBA «turaqty» ataǵynyń ıesi 30 jastaǵy Golovkın jekpe-jekke shyqpaı-aq bul uıymnyń nusqasy boıynsha ortasha salmaqtaǵy chempıon ataǵynyi jalǵyz ıegeri boldy.
Esterińizge sala keteıik, óziniń sońǵy kezesýinde qazaqstandyq boksshy besinshi raýndta polshalyq Gjegoj Proksýdy nokaýtqa jiberdi.
