ShUǴYL: Gennadıı Golovkın Búkilálemdik boks qaýymdastyǵynyń orta salmaqtaǵy Álem chempıony ataǵyn 5-shi ret qorǵap qaldy
ALMATY. 13 mamyr. QazAqparat - Keshe túnde Ýkraınanyń Brovarı qalasynda aǵaıyndy Klıchkolardyń promoýterlik kompanııasynyń uıymdastyrýmen kásipqoı boks matchy boldy.
Onda basty jekpe-jek Búkilálemdik boks qaýymdastyǵynyń (WBA) orta salmaqtaǵy Álem chempıony qazaqstandyq Gennadıı Golovkın men japonııalyq Makoto Fýchıgamı arasynda ótti. 30 jastaǵy qaraǵandylyq qarsylasyn 3-raýndta tehnıkalyq nokaýtpen utyp, óziniń 22 jeńisine qol jetkizdi. Osymen 20 ret jekpe-jekti merziminen buryn aıaqtaǵan ol birde-bir ret jeńilis tappaǵan. Gennadıı WBO-nyń bos turǵan Qurlyqaralyq Álem chempıony ataǵyn 2009 jyly 11 shildede Germanııada ıelengen edi. Al onyń 28 jastaǵy japondyq áriptesi óziniń 26 kezdesýinde 7-ret jeńilistiń aşy dámin sezindi. Bul onyń 2009 jyly 21 shildeden keıin qatarynan 9 ret qol jetkizgen jeńis serııasyna núkte qoıdy.
