ShUǴYL: Elordanyń ortalyq bazarynda shyqqan órtpen 70-ke jýyq órt sóndirýshi arpalysýda
ASTANA. 29. qańtar. QazAqparat - Pavlodarǵa barar tas jolda ornalasqan ortalyq bazar órtenýde. Bul týraly QazAqparat tilshisine Astana qalalyq tótenshe jaǵdaılar departamentiniń baspasóz hatshysy Bıbigúl Esmaǵanbetova málim etti.
Onyń atap ótýinshe, tilsiz jaý sharpyǵan aýmaq 1000 sharshy metrdi quraıdy.
«Qońyraý saǵat 11:04-te túsip, órt sóndirýshiler oqıǵa ornyna 11:09-da jetti. Órt áli sóndirilgen joq. Qazirgi ýaqytta 17 negizgi jáne 7 arnaıy órt sóndirý mashınasy jumys isteýde. Arnaıy mamandandyrylǵan kópfýnktsıonaldy órt sóndirý tehnıkasy da jumyldyrylýda. Astana qalalyq tótenshe jaǵdaılar departamenti jeke quramynyń 76 órt sóndirýshisi qyzyl jalynmen arpalysýda. Órt sóndirýge taýarlardyń óte kóp bolýy kedergi keltirýde», - dep atap ótken B.Esmaǵanbetova qaza tapqandar men zardap shekkender joq ekendigin de eskertip ótti.
