ShUǴYL: Elordada kásipkerlerdi bopsalap, aqsha alǵan qylmystyq toptyń músheleri ustaldy
ASTANA. 4 mamyr. QazAqparat - Astana qalasy ІІD Uıymdasqan qylmyspen kúres basqarmasynyń qyzmetkerleri ótkizgen jedel-izdestirý sharasynyń barysynda M. esimdi 35 jastaǵy uıymdasqan qylmystyq toptyń bedeldisi ustaldy.
ІІD-niń baspasóz qyzmeti habarlaǵandaı,polıtsııa qyzmetkerleri onyń ıeligindegi «BMW-X 5» markaly kóligin tekserý kezinde oryndyqtyń astynan 9 mm kalıbrlik 7 oq-dárisi salynǵan qarýdyń sómkesi bar Makarov pıstoleti tabylp, tárkilendi. Ustalǵannyń úıin tintý barysynda polıtsııa qyzmetkerleri PM túrindegi travmatıkalyq pıstoletti taýyp, tárkiledi.
Osy kúni UQKB-nyń qyzmetkerlerimen ótkizilgen jedel-izdestirý sharasynyń barysynda atalmysh qylmystyq toptyń 3 múshesi ustaldy. Olardyń basym denin 26, 27 jáne 28 jastaǵy jigitter quraıdy, ekeýi Qaraǵandy qalasynyń týmasy, úshinshisi Ózbekstan Respýblıkasynyń azamaty. Ustalǵandarǵa bopsalaý pen aýyr qylmys jasaý áreketi boıynsha aıyp taǵylyp otyr.
Anyqtalǵandaı, ustalǵan kúdiktiler Astana qalasynyń qurylys fırmalarynyń birin jáne qalalyq kólik jýý beketiniń ıesin bopsalap, aqsha talap etken. Olar qarý qoldanyp kásipkerlerdi qorqytqan, qurylys fırmanyń kúzetshisi men kólik jýý beketiniń ıesin jaraqattaǵan. Sonymen qatar olardyń bireýi buǵan deıin qylmystyq toppen tonaý áreketterin iske asyryp, «Toıota Land Krýzer» markaly kólikti alyp qoıǵan.
Kúdiktilerden «OSA» markaly travmatıkalyq pıstolet pen jınalmaly 4 pyshaq anyqtalyp, alyndy.
Qylmystyq toptyń serkesi M. esimdi azamattyń ústinen QR QK-niń 251 baby boıynsha qylmystyq is qozǵaldy. Ustalǵan qylmystyq toptyń múshelerine qatysty QR QK-niń 257 baby men QR QK-niń 179 baby boıynsha qylmystyq is qozǵaldy. Olar ýaqytsha ustaý abaqtysyna qamaldy. Tergeý amaldary jalǵasýda.
