ShUǴYL: Elordada iri jol apatynda 3 adam qaza taýyp, taǵy 5-eýi zardap shekti
ASTANA. 11 shilde. QazAqparat - Keshe keshkisin elordada eki kólik soqtyǵysyp, 3 adam qaza tapty, taǵy 5-eýi túrli dárejedegi dene jaraqattaryn aldy.
Bul jaıynda Astana qalalyq ІІD Jol polıtsııasy basqarmasynyń baspasóz qyzmetinen habarlady.
Vedomstvonyń aqparatyna sáıkes, saǵat shamamen 23.00-de qaladaǵy medıtsınalyq mekemelerdiń birinde jumys isteıtin, 1989 jyly dúnıege kelgen azamat «Nıssan Maksıma» kóligimen Kereı-Jánibek handar kóshesi men Qabanbaı batyr dańǵylynyń qıylysynda Almaty kóshesine qaraı solǵa burylmaq bolǵanda «Toıota kamrı» kóligimen soqtyǵysty. «Toıota kamrı» Kereı-Jánibek handar kóshesimen Saýran kóshesine qaraı kele jatqan. Oqıǵa saldarynan aýyr jaraqat alǵan «Nıssan Maksıma» avtokóliginiń 18-24 jas aralyǵyndaǵy úsh jolaýshysy qaza tapty. Olardyń barlyǵy da elordadaǵy medıtsınalyq mekemeniń qyzmetkerleri. Sondaı-aq túrli dene jaraqatyn alǵan «Toıota» kóligindegi 4 jolaýshy men «Nıssan» kóligindegi taǵy bir jolaýshy aýrýhanaǵa jetkizildi.
Eki júrgizýshiden de alkogol ne bolmasa psıhotropty zattardy paıdalanǵanyn anyqtaý maqsatyna qan saraptamasy alyndy. Qylmystyq is qozǵaldy.
