ShUǴYL: Elordada 9 qabatty úı órtendi
ASTANA. QazAqparat - Elordada 9 qabatty úıden órt shyǵyp, 50 adam qaýipsiz jerge kóshirildi, dep habarlady Astana qalalyq TJD baspasóz qyzmetinen.
Búgin Sh.Qudaıberdiuly kóshesi boıynda ornalasqan 9 qabatty turǵyn úıden órt shyǵyp, tótenshe jaǵdaı mamandary oqıǵa ornyna jetken kezde 2-shi men 9-shy qabat aralyǵynda, kabeldik-kommýnıkatsııalyq shahtadaǵy elektr kabeli janǵany anyqtalǵan. Órtti sóndirý barysynda 50 adam qaýipsiz jerge kóshirilip, 18 adam, onyń ishinde 5 bala qutqarylǵan.
Órtti sóndirýge Astana qalalyq TJD jeke quramynyń 45 mamany, 7 negizgi jáne 4 arnaıy tehnıkasy jumyldyryldy.
