ShUǴYL: Elimizdiń tórt oblysy aýmaǵynda respýblıkalyq joldar jabyldy
ASTANA. 23 qańtar. QazAqparat - Boranǵa baılanysty elimizdiń tórt oblysy aýmaǵyndaǵy respýblıkalyq joldarda kólik qozǵalysy shekteldi.
Bul týraly búgin «Qazaqavtojol» RMK-nyń baspasóz qyzmetinen habarlandy.
Máselen, Aqtóbe oblysy boıynsha keshe saǵat 17.30 bastap "Aqtóbe-Atyraý-RF.shekarasy (Astrahan)" jolynyń 246-330 shaqyrymyndaǵy "Baıǵanın aýyly-Atyraý obl.shekara" aralyǵynda jol jabylǵan bolatyn. Búgin saǵat 07.00 bastap atalǵan jolda kólik qozǵalysy jandandy.
Budan bólek, Aqmola oblysyndaǵy boran saldarynan 23 qańtar kúni avtokóliktiń barlyq túrleri úshin myna joldar jabyldy:
Saǵat 01.00 bastap "Astana-Qorǵaljyn" 19-180 shaqyrymy;
Saǵat 02.10 bastap "Astana-Petropavl" 18-341 shaqyrymy;
Saǵat 03.10 bastap "Astana-Ereımentaý-Shiderti" 24-205 shaqyrymy;
Saǵat 03.10 bastap "Ekaterınbor-Almaty" 1280-1353 shaqyrymy;
Saǵat 03.10 bastap "Ekaterınbor-Almaty" 963-1184 shaqyrymy;
Saǵat 03.10 bastap "Şýchınsk-Zerendi" 0-80 shaqyrymy;
Saǵat 03.10 bastap "Kókshetaý-Atbasar" 0-120 shaqyrymy.
Sondaı-aq 23 qańtar kúni Qaraǵandy oblysyndaǵy qolaısyz aýa raıyna baılanysty qoǵamdyq jáne júk kólikteri úshin myna joldardaǵy qozǵalysqa shekteý qoıyldy:
Saǵat 05.45 bastap "Ekaterınbor-Almaty" jolynyń 1369-1425 shaqyrymyndaǵy "Osakarovka-Temirtaý" aralyǵynda;
Saǵat 05.45 bastap "Ekaterınbor-Almaty" jolynyń 1492-1854 shaqyrymyndaǵy "Qaraǵandy-Balqash" aralyǵynda;
Saǵat 05.45 bastap "Qyzylorda-Pavlodar" jolynyń 970-1066 shaqyrymyndaǵy "Qaraǵandy-Molodejnoe" aralyǵynda.
Al seısenbi kúni Pavlodar oblysy boıynsha avtokóliktiń barlyq túrleri úshin myna joldar jabyldy:
Saǵat 03.10 bastap "Astana-Ereımentaý-Shiderti" jolynyń 205-259 shaqyrymyndaǵy "Shiderti-Aqmola obl» aralyǵynda.
Sonymen qatar, qoǵamdyq jáne júk avtokólik túrleri úshin saǵat 06.15 bastap "Qyzylorda-Pavlodar" jolynyń 1135-1205 shaqyrymyndaǵy "Qaraǵandy obl-Shiderti" aralyǵynda shekteý qoıyldy:
Onymen birge, Shyǵys Qazaqstan oblysy aýmaǵynda avtokóliktiń barlyq túrleri úshin myna joldardaǵy qozǵalysqa shekteý qoıyldy:
22 qańtar saǵat 22.30 bastap "Óskemen-Shemonaıha-RF shekarasy" avtojolynyń 54-123 shaqyrymyndaǵy "Pervomaıka-RF shekarasy" aralyǵynda;
22 qańtar saǵat 23.00 bastap "Óskemen-Zyrıan-Rahman qaınary" jolynyń 6-165 shaqyrymyndaǵy "Stepnoe-Zyrıan" aralyǵynda.
