ShUǴYL: Elimizdiń respýblıkalyq joldaryndaǵy kólik qozǵalysy qaıta jandandy

Bul týraly «Qazaqavtojol» RMK baspasóz qyzmetinen habarlady.

Máselen, keshe Pavlodar oblysy aýmaǵyndaǵy aıazǵa baılanysty barlyq baǵyttarda qoǵamdyq jáne dızel otynymen júretin avtokóliktiń jol qozǵalysyna tyıym salynǵan edi.

 Sonymen qatar, aýa temperatýrasynyń -40 gradýsqa deıin kúrt tómendeýine baılanysty Shyǵys Qazaqstan oblysy boıynsha barlyq baǵyttarda qoǵamdyq jáne dızel otynymen júretin avtokóliktiń jol qozǵalysyna shekteý qoıylǵan bolatyn.

Budan bólek, keshe saǵat 19:00-den bastap qatty aıazdarǵa baılanysty Qaraǵandy  oblysy boıynsha barlyq baǵyttarda qoǵamdyq jáne dızel otynymen júretin avtokóliktiń jol qozǵalysyna tyıym salyndy. 

Al Almaty oblysy boıynsha keshe qalyń qardyń túsýine baılanysty  "Almaty-Óskemen" jolynyń 557-615 shaqyrymynda dızel otynymen júretin avtokóliktiń jol qozǵalysyna tyıym salynǵan edi.

Atap aıtqanda, bul joldardyń barlyǵy búgin tańerteńnen bastap ashyldy. 

Aıta keteıik, Soltústik Qazaqstan oblysynda jol-jóndeý jumystarynyń júrgizilýine baılanysty 11 jeltoqsannan bastap kóliktiń barlyq túrleri úshin jabylǵan Petropavl qalasynan aınalyp ótetin avtojol (3 shaqyrym) áli de ashylǵan joq.