ShUǴYL: El aýmaǵynda bolǵan tótenshe jaǵdaılar saldarynan bir bala kóz jumyp, taǵy tórteýi zardap shekti
ASTANA. 19 qazan. QazAqparat - Qazaqstanda tótenshe jaǵdaılar saldarynan bir bala qaza taýyp, tórteýi ıis tıip ýlandy, dep habarlady QR TJM-niń baspasóz qyzmetinen.
Búgin Qyzylorda qalasynda Qorqyt ata kóshesindegi jekemenshik turǵyn úıde qatty otynmen janatyn peshtiń aqaýlyǵy saldarynan 2008, 2010 jáne 2011 jyly týǵan úsh bala ıis tıip ýlanyp, aýrýhanaǵa jetkizildi.
Sondaı-aq Aqmola oblysynyń Bektaý aýylynda beısenbi, 18 qazan kúni Jastar kóshesindegi eki páterli jekemenshik turǵyn úıde órt boldy. Jalyn tili 18 sharshy metr aýmaqty sharpydy. TJ ornynda 2 jastaǵy sábıdiń múrdesi anyqtaldy. Iis tıip ýlanǵan 2008 jylǵy taǵy bir bala aýrýhanaǵa jetkizildi. Tilsiz jaýdy órt sóndirýshiler kelgenshe jergilikti turǵyndar aýyzdyqtady.
