ShUǴYL: Dýbaıdyń polıtsııasy sóleket kıingen jas jigitti tutqyndady
ÁBÝ-DABI. 29 qazan. QazAqparat - Dýbaı ámirliginiń polıtsııasy «Dýbaı moll» iri saýda ortalyǵynda sóleket kıingen jas jigitti ustady, dep habarlady bizdiń agenttiktiń tilshisi ámirlik BAQ-qa silteme jasaı otyryp.
Ustalǵan ulty belgisiz er adam «Qurban aıt» merekesine baılanysty Dýbaıdyń saýda ortalyqtary táýlik boıyna jumys isteıtinin «kádege» jaratyp qalmaq bolǵan. Tek sporttyq sholaq shalbar kıgen jas jigit dúkende saǵat tańǵy tórtte ustaldy, Ámirlikte óziniń bul «óreskel» áreketin «jańashyldyqpen» adamdardy tańǵaldyryp, kóńil kótergisi kelýimen túsindirdi.
«Qaljyńqoı» jas jigittiń janynda 20 jastardaǵy 4 jigit bolǵan. Alaıda onyń joldastary basqa qarapaıym adamdar sııaqty kıingen. Dýbaı polıtsııasynyń polkovnıgi Ahmet Al Merı atap ótkendeı, jas jigit ishimdik ishpegen.
«Ázilqoı» jigit qoǵamdyq tártipti buzǵany úshin tutqyndalyp, «Býr Dýbaı» aýdanynyń prokýratýrasyna tapsyrylǵan. Aıta keteıik, onyń sýreti «Blekberrı» tutynýshylarynyń arasynda áp-sátte taralyp ketken, onyń bul áreketi arabtardyń ashý-yzasyn týdyrdy.
