ShUǴYL: Dnepropetrovskide bir saǵat ishinde tórt jarylys boldy, Prezıdent ony búkil Ýkraına úshin qyr kórsetý dep atady
ASTANA. 27 sáýir. QazAqparat - Ýkraına Prezıdenti Vıktor ıAnýkovıch búgin Dnepropetrovsk qalasynda bolǵan tórt jarylysty búkil el úshin qyr kórsetý dep atady.
Bul týraly ol Armıanskide ótken brıfıng barysynda málim etti, dep habarlaıdy Ýkrınform.
«Biz muny barlyǵymyz úshin, búkil elimiz úshin qyr kórsetý ekendigin túsinemiz. Biz qalaı laıyqty jaýap berýge bolatyndyǵyn oılastyramyz. Osylaı bolǵany ókinishti», - dep atap ótti ıAnýkovıch. Onyń aıtýynsha, ol Ýkraınanyń Qaýipsizdik qyzmetiniń tóraǵasymen, Іshki ister mınıstrimen kelissózder júrgizip úlgergen.
Prezıdenttiń aıtýynsha, bul jarylystardy tergeý úshin tek Dnepropetrovsk qalasynyń ǵana emes, Kıevtiń de úzdik tyńshylary jiberiledi. Ol sondaı-aq, tergeý-jedel tobynyń qurylǵanyn habarlap ótti.
Dnepropetrovskiniń adam kóp júretin jerlerinde bir saǵattyń ishinde tórt jarylys boldy, dep habarlaıdy Ýkrınform. Tártip saqshylary jarylystardyń saldarynan 9 adam jaraqattanǵanyn aıtýda. «Bes adam birinshi jarylysta, úsh adam - ekinshisi kezinde jáne taǵy bir adam - úshinshi jarylysta jaraqattandy. Qorshalyp úlgergen jerde bolǵan tórtinshi jarylysta zardap shekkender bolmady», - dep habarlady Ýkrınform tilshisine quqyq qorǵaý organdarynan. Zardap shekken adamdardyń barlyǵy synyqtardan jaralanǵan.
Esterińizge sala keteıik, ótken jyldyń kúzinde Dnepropetrovskidegi Ortalyq ýnıvermagtyń qasynda jarylys boldy. Onda onyń oshaǵy sondaı-aq, ýrnanyń qasynda boldy. Jarylystyń túnde bolýynan ǵana ýrnanyń qasyna kezdeısoq barǵan bir er adam ǵana qaza tapty.
