ShUǴYL: Demalys kúnderi respýblıkanyń basym bóliginde qatty jel men burqasyn kóterilip, aýa temperatýrasynyń tómendeýi kútiledi
ASTANA. 24 qańtar. QazAqparat - 25-27 qańtar aralyǵynda Qostanaı, Soltústik Qazaqstan, Aqmola, Pavlodar, Qaraǵandy, Shyǵys Qazaqstan, Jambyl oblystarynda qar, burqasyn, ońtústik-batystan 15-20 m/s, keıbir jerlerde 25 m/s jyldamdyqpen soǵatyn jel kútiledi, Qaraǵandy, Shyǵys Qazaqstan, Jambyl oblystarynda jel ekpini 30 m/s-tan asady.
Bul týraly Qazgıdrometke silteme jasaǵan QR TJM-niń baspasóz qyzmetinen habarlaıdy.
28 qańtar kúni Batys Qazaqstan, Atyraý, Mańǵystaý oblystarynda aýanyń temperatýrasy 10-15 gradýs, keıbir jerlerde 25 gradýsqa deıin tómendeıdi. Aqtóbe, Qostanaı, Soltústik Qazaqstan, Aqmola oblystarynda, 29 qańtar kúni Pavlodar, Qaraǵandy, Shyǵys Qazaqstan oblystarynda túnde aýanyń temperatýrasy 25-30 gradýs, keıbir jerlerde 30 gradýs sýyqty kórsetedi.
