ShUǴYL: Danııar Eleýsinov jeńisti jolyn jalǵastyrýda
ASTANA. 4 tamyz. QazAqparat - Búgin London Olımpıadasynda 64 keli salmaq sanatynda jarys jolyna shyqqan boksshymyz Danııar Eleýsinov 1/8 fınaldaǵy qarsylasy ırandyq Mehdı Toloýtıbandty aıqyn basymdyqpen utty.
Birinshi kezeńde úsh upaımen basymdyq tanytqan Danııar ekinshi raýndta qarqynyn kúsheıtip, esepti 12:5-ke jetkizdi. Al sheshýshi kezeńde de ırandyq boksshyǵa esh múmkindik bermegen boksshymyz jarysty 19:10 esebimen aıaqtap, jeńiske jetti.
Aıta keteıik, ırandyq Mehdı Toloýtıbandı 1/16 fınalda ıspandyq bylǵary qolǵap sheberi Djonatan Alonso Fleteni 16:12 esebimen jeńse, bizdiń sportshy amerıkandyq qarsylasyn 19:9 esebimen oısyrata utyp, eline júldesiz qaıtarǵan bolatyn.
Danııar Eleýsinov 21 jastaǵy astanalyq sportshy. Halyqaralyq sanattaǵy sport sheberi. Ol Qazaqstan chempıony (2010-2011 jyldary), Azııa oıyndarynyń chempıony (2010 jyly). Danııar joldamany jaqynda elordada ótken Azııalyq irikteý týrnırinde qanjyǵasyna baılady.
