ShUǴYL: Damaskide eki kúshti jarylys saldarynan 40-tan astam adam qaza tapty
ASTANA. 10 mamyr. QazAqparat - Búgin Sırııa astanasy Damask qalasynda eki kúshti jarylys boldy, dep habarlaıdy RosBıznesKonsaltıng.
Sırııanyń Densaýlyq saqtaý mınıstriniń málimdeýinshe, lańkestik áreket saldarynan 29 adam qaza tapty, taǵy 103-i jaraqat aldy. Bul rette Reuters agenttigi jarylystar saldarynan 40-tan astam adam qaza tapqanyn habarlaıdy.
Jarylǵysh quraldardyń biri Damaskiniń halyqaralyq áýejaıyna aparatyn jolǵa jaqyn ornalasqan ońtústik aınalmaly jolyna salynǵan. Lańkestik árekettiń maqsaty sırııalyq arnaıy qyzmetterdiń bólimshesi bolǵany shamalanýda. Jarylystardan keıin sırııalyq astanada atys-shabystar bastaldy. Qazirgi kezde qaza tapqandar men jaraqat alǵandardyń sany naqtylaný ústinde.
Kýágerlerdiń aıtýynsha, lańkestik áreketten keıin polıtseıler Tamadýn aýdanyn qorshap aldy. Ol jaqtan jedel járdem qyzmetiniń dabyldary estilýde.
Búgin sırııalyq quqyq qorǵaýshylar Homs qalasynda qaıtadan atys bastalǵany týraly habarlaǵanyn atap ótý qajet. 2012 jldyń 10 mamyryna qaraǵan túni bolǵan kanonada sońǵy úsh aptadaǵy eń kúshtilerdiń biri boldy. Qazirgi kezde Homs aýmaǵynda BUU mıssııasynyń 11 baqylaýshysy júr. Sırııa Prezıdenti Bashar Asad rejıminiń jaqtastary bul oqıǵaǵa ázirshe eshqandaı túsinik bermeıdi.
Sırııadaǵy bılik kózderi men oppozıtsııanyń bir-birine qarsylyǵy 2011 jyldyń naýryzynan jalǵasýda. Oppozıtsııa úkimettik kúshterdi beıbit halyqqa «jappaı haıýandyq» jasaýda dep kinálap, Prezıdent B.Asadtyń qyzmetin bosatýyn talap etedi. Resmı Damask elde demokratııalyq urandardy jamylǵan «qarýlanǵan lańkester bandylarynyń» júrgenin aıtady. BUU-nyń sońǵy baǵalary boıynsha, Sırııadaǵy urystar kezinde 9 myńnan astam azamattyq tulǵa qaza tapty.
