ShUǴYL: Burynǵy Aýyl sharýashylyǵy vıtse-mınıstri M. Ómirııaev 10 jylǵa bas bostandyǵynan aıyryldy
ASTANA. QazAqparat - Búgin Astana qalasy qylmystyq ister jónindegi mamandandyrylǵan aýdanaralyq soty burynǵy QR aýyl sharýashylyǵy vıtse-mınıstri Músilim Ómirııaevqa qatysty sheshim shyǵardy.
Ol QR QK 311-babynyń 5-bóligi (iri kólemde para alý) boıynsha aıypty dep tanyldy. M. Ómirııaevtiń barlyq múlki tárkilenip, memlekettik qyzmette jáne jergilikti ózin-ózi basqarý organdarynda 7 jyl merzimge jumys isteý quqyǵynan, 10 jyl bas bostandyǵynan aıyryldy.
Eks-sheneýnik qatań rejimdegi kolonııada óteıtin bolady.
Esterińizge sala keteıik, M. Ómirııaev memlekettik satyp alýlar konkýrsynda kásipkerge jeńimpaz atanýǵa kómek bergeni úshin 100 myń AQSh dollary somasynda para aldy dep aıyptalǵan bolatyn.
