ShUǴYL: Búginde ekstremızm elimizdiń ulttyq qaýipsizdigi úshin aıtarlyqtaı qaýipke aınaldy - Úılestirý keńesi otyrysyna qatysýshylar
ASTANA. 14 qyrkúıek. QazAqparat - Búgin Bas Prokýrordyń tóraǵalyq etýimen jáne Prezıdenttiń kómekshisi - Qaýipsizdik Keńesiniń hatshysy Marat Tájınniń qatysýymen
Zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi Úılestirý keńesiniń kezekti otyrysy ótip, onda terrorızmge jáne dinı ekstremızmge tosqaýyl qoıý máseleleri talqylandy. Bul týraly Bas prokýratýranyń baspasóz qyzmetinen málim etti.
Jınalys jumysyna sondaı-aq Prezıdent Ákimshiliginiń jaýapty qyzmetkerleri, UQK, EQSJKA, ishki ister, bilim jáne ǵylym, eńbek jáne halyqty áleýmettik qorǵaý, mádenıet jáne aqparat mınıstrlikteriniń, Din isteri jónindegi agenttiktiń basshylary qatysty.
Beınekonferentsııalyq baılanys arqyly óńirlik quqyq qorǵaý jáne arnaıy organdardyń basshylary, sonymen qatar oblystardyń, Astana jáne Almaty qalalary ákimderiniń orynbasarlary qatysty.
Otyrysta atap kórsetilgendeı, búginde ekstremızm elimizdiń ulttyq qaýipsizdigi úshin aıtarlyqtaı qaýipke aınalyp otyr. Sondyqtan qalyptasqan jaǵdaı týyndap otyrǵan qaýip-qaterlerdiń aldyn alý jáne jolyn kesý jónindegi kúsh-jigerdi odan ári biriktirýdi, ózara is-qımyldyń tıimdiligin arttyrýdy, osy baǵyttaǵy jumystardyń áreket etetin jańa nysandary men ádisterin ázirleýdi talap etedi.
Osyǵan baılanysty ekstremıstik dinı ıdeologııanyń taralýyna tosqaýyl qoıý boıynsha tıimdi áleýmettik-ekonomıkalyq sharalar keshenin qabyldaýdyń, aqparattyq-aǵartýshylyq is-árekettiń belsendiligin arttyrýdyń mańyzdylyǵy atap ótildi.
Talqylaý qorytyndysy boıynsha terrorızmge qarsy is-áreketti úılestirý tetikterin jetildirýge, terrorızm men ekstremızmniń aldyn-alý men jolyn kesýdiń tıimdi júıesin qalyptastyrýǵa, azamattar men qoǵamnyń terrorıstik qaýip-qaterden senimdi túrde qorǵalýyn qamatamasyz etýge baǵyttalǵan birlesken sheshimder qabyldandy.
