ShUǴYL: Búgin túnde Qazaqstannyń táýlik boıy habar taratatyn «24KZ» tuńǵysh jańalyqtar telearnasy iske qosylady
ASTANA. 31 tamyz. QazAqparat - Búgin túnde Qazaqstannyń táýlik boıy habar taratatyn «24KZ» tuńǵysh jańalyqtar telearnasy iske qosylady. Bul týraly QR mádenıet jáne aqparat mınıstri Darhan Myńbaı Qazmedıaortalyǵynda jýrnalıster úshin brıfıng ótkizdi.
Jańa telekanal «Habar» agenttiginiń bazasynda qurylady. Telearna álemde bolyp jatqan oqıǵalar týraly aýqymdy aqparat berip, Qazaqstanda bolyp jatqan jańalyqtardan habardar etedi. «24KZ» «OtaýTV» ulttyq spýtnıktik jelisi arqyly jáne kabeldik jelilerde kórsetiledi. Arna kún saıyn 48 jańalyqtar toptamasy men 40 aqparattyq taqyryptyq baǵdarlamalardy efırge shyǵarady.
«Búgin shyn máninde aıtýly kún bolǵaly tur. Elbasynyń tapsyrmasymen «24KZ» telearnasy uıymdastyrylyp jatyr. Munyń ózi Qazaqstandaǵy aqparat quraldaryna degen qamqorlyq. Bul shyn máninde Orta Azııada teńdesi joq arna bolady. Onyń dáleli osy Medıa ortalyqtyń ashylýy. Bul Medıa ortalyq bizge sol ıdeıalardy jalpy jańǵyrtý máselelerin júzege asyrýǵa járdemin tıgizedi dep oılaımyn. Bul ortalyq bizge CNN, BVC, Euronews syndy álemdik telearnalar standarttarymen jumys isteýge múmkindik beredi», - dedi D. Myńbaı.
Mınıstrdiń atap ótýinshe, «24KZ» HD sapasyndaǵy beınesi bar teń salmaqty habar taratatyn alǵashqy otandyq telearna bolmaq. Aqparattyq arnanyń efırlik saıasaty «Árbir jarty saǵat saıyn jańalyqtar» qaǵıdasy boıynsha qalyptasqan. Al olardyń arasyndaǵy efırlik ýaqyt taqyryptyq baǵdarlamalarǵa bólinedi.
Búgin 23.30-da Qazmedıa ortalyǵy alańynda «24KZ» arnasynyń iske qosylýynyń resmı tusaýkeseri ótedi. Іs-sharanyń tikeleı kórsetilimin «Habar» jáne «Elarna» arnalarynan kórýge bolady.
