ShUǴYL: BQGÝ-diń 30-dan astam stýdenti jataqhanada belgisiz gazǵa ýlanyp qaldy, 400 adam qaýipsiz jerge kóshirildi
ASTANA. 6 qarasha. QazAqparat - Oralda 6 qarasha kúni, túngi saǵat 01.18-de M. Ótemisov atyndaǵy Batys Qazaqstan gýmanıtarlyq ýnıversıtetiniń 5 qabatty jataqhanasynda turatyn 31 stýdent
belgisiz gazdy zatpen ýlanǵandyǵyn aıtyp, medıtsınalyq kómekke júgindi.
Olardyń arasynda 10 adam - 18 jáne 17 jastaǵy boıjetkender aýrýhanaǵa jetkizildi. Tótenshe oryn alǵan jerge Batys Qazaqstan oblysy boıynsha TJD-niń 18 adamy men 4 tehnıkasy shyqty. Qutqarýshylar kelgenge deıin jataqhananyń qyzmetkerleri 400 adamdy qaýipsiz aımaqqa kóshirdi. Olar bólmeniń aýasyn jeldetip, tazartqannan keıin turǵyn jaılaryna qaıta oraldy.
