ShUǴYL: Bıyl Ulttyq biryńǵaı testileý formaty ózgermeıdi - Baqytjan Jumaǵulov
ASTANA. 28 qańtar. QazAqparat - Bıyl Ulttyq biryńǵaı testileý formaty ózgermeıdi. Bul týraly búgin Astanada QR Prezıdenti janyndaǵy ortalyq kommýnıkatsııalar qyzmetinde ótken brıfıngte QR Bilim jáne ǵylym mınıstri Baqytjan Jumaǵulov málim etti.
«Ulttyq biryńǵaı testi formaty ózgermeıdi. Sol qalpynda qaldyramyz. Biraq, onyń mazmuny 30-40 paıyzǵa tolyǵynan ózgertiletin bolady. Onyń ishinde logıkalyq suraqtarǵa erekshe kóńil bólinbek», - dedi B. Jumaǵulov.
Belgili bolǵandaı. 2015 jyldan UBT eki kezeńge bólinedi. Atap aıtqanda, birinshisinde Ulttyq biryńǵaı testi mektep bitirýshelerdi qamtıdy, al keshendi testileý joǵary oqý ornyna túsetin talapkerlerge júrgiziletin bolady.
