ShUǴYL: Baıqońyrdaǵy «Protonnyń» qulaýy zańnamalyq turǵyda apatqa jatpaıdy - T. Musabaev
ASTANA. 2 shilde. QazAqparat - Búgin «Baıqońyr aılaǵynan qulaǵan «Proton» zymyranyn zańnamalyq turǵyda apatqa jatqyza almaımyz.
Bul týraly Úkimette Premer-Mınıstr Serik Ahmetovtiń jetekshiligimen ótken shuǵyl otyrysta Ulttyq ǵarysh agenttiginiń tóraǵasy Talǵat Musabaev málim etti.
Agenttik basshysynyń túsindirýinshe, Qazaqstan men Reseı arasynda jasalǵan kelisimge oraı, zymyran apattary retinde olardyń Reseı Federatsııasynyń jalǵa alǵan aýmaǵynan tysqary jerlerge qulaǵan zymyrandar sanalady. «Al búgingi jaǵdaıda zymyran ushyrylǵan alańnyń mańyna qulady, zańnamalyq turǵydan qarasaq, apat bolǵan joq», dedi T. Musabaev.
Onyń aıtýynsha, zymyran qulaı salysymen geptıl otyny janǵan. «Mundaı jaǵdaıda geptıl otyny túgel janyp ketedi de, oksıd azot túziledi. Jarylystan soń paıda bolǵan tútin úsh baǵytqa bólinip, onyń biri Qarmaqshy, ekinshisi Qazaly, úshinshisi Baıqońyrǵa baǵyt alǵan. Al bul ýaqyttaǵy jańbyr tútinniń birazynyń joıylýyna septigin tıgizdi, osy jaǵynan alǵanda jurtshylyqqa qaýip deńgeıi azaıdy deýge bolady», deıdi T. Musabaev.
Eske salaıyq, DM-03 údetkish blogy jáne «Glonass-M» úsh reseılik navıgatsııalyq ǵarysh apparaty bar «Proton-M» zymyran-tasyǵyshynyń búgin Astana ýaqyty boıynsha saǵat 08.38-de «Baıqońyr» ǵarysh aılaǵynyń №81 alańynan jasalǵan ushyrylymy apatpen aıaqtalǵan bolatyn. QR Ulttyq ǵarysh agenttiginde rastaǵandaı, «Proton-M» zymyran-tasyǵyshy ushyrylymnan keıin 10 sekýndtan soń jerge qulap, jaryldy. Atalmysh ushyrylymnyń maqsaty orbıtadaǵy «GLONASS» reseılik tobyn tolyqtyrý boldy.
