ShUǴYL: Bangladeshte segiz qabatty úı qırady, keminde 80 adam mert boldy
ASTANA. 24 sáýir. QazAqparat - Bangladeshte segiz qabatty úı qulap, keminde 80 adam mert boldy. Sondaı-aq shamamen 200 adam jaraqattandy, dep habarlady Bı-Bı-Sı.
Qutqarýshylar el astanasy Dakkanyń mańyndaǵy ǵımarat úıindisiniń astynda taǵy júzdegen adam bolýy múmkin dep qaýiptenedi. TJQ komandalaryna bangladesh armııasynyń sarbazdary kómektesip, úıindi astynan tiri adamdardy tabýǵa tyrysýda. Qaıǵyly oqıǵa bolǵan jerge júzdegen adamdar jınalyp, ózderiniń týystary men jaqyndaryn izdeýde.
Ǵımaratta tigin fabrıkasy, bank jáne birneshe dúken bolǵan.
Ókimet oryndary ázirge úıdiń qulaýy sebebin aıtqan joq. Jergilikti polıtsııa ókiliniń aıtýynsha, ǵımarat qabyrǵasy seısenbi kúni jaryla bastaǵan, sodan keıin fabrıka men bank bólimshesi jabyldy. Alaıda sársenbi 
kúni keıbir qyzmetkerler jumysqa keldi. Habarlarǵa qaraǵanda, birinshi qabat qana buzylmaı aman qalǵan.
«Biz úı qulaǵan kezde osynda qansha adam bolǵanyn ázirge bilmeımiz, biraq kóp bolýy múmkin dep qaýiptenemiz», - dedi TJQ ókili Djıbon Mıa «Assosheıted Press» agenttigine bergen suhbatynda.
Bangladeshte arzan, sapvasyz materıaldar paıdalanylýynan jáne tehnıka qaýipsizdigi saqtalmaǵandyqtan mundaı oqıǵalar jıi bolyp turady.
