ShUǴYL: Aýyr atletıkadan Qazaqstan quramasynyń bas bapkeri qyzmetinen ketedi
ASTANA. 6 tamyz. QazAqparat - Aýyr atletıkadan Qazaqstan quramasynyń bas bapkeri Alekseı Nı óz qyzmetinen ketetin boldy. Bul týraly bas bapker kaztrk.kz-ke bergen suhbatynda aıtty.
«Meniń ketkenim durys bolady. Men bes Olımpıada, 15 álem chempıonatynda boldym. Jastarǵa jol beretin ýaqyt keldi», - dedi ol.
Alekseı Nıdiń aıtýynsha, Qazaqstanda aýyr atletıka bapkerleriniń myqty mektebi qalyptasty. Al Ilıa Ilın týraly suraqqa jaýap bergen Alekseı Nı, qazaqstandyq aýyr atlet kelesi Olımpıada oıyndarynda da altyn júlde alatynyna senim bildirdi. «Qazir ol 24-te, eki Olımpıadany jeńdi. 28-ge kelgende úshinshisin utady. 28 jasta onyń daryny tolyq ashylady dep oılaımyn», - dedi Nı.
