ShUǴYL: Aýqymdy apat saldarynan «ArselorMıttal Temirtaý» metkombınatynyń jumysy is júzinde toqtatyldy, qurbandar men zardap shekkender joq

dep habarlady QR Úkimet basshysynyń baspasóz qyzmetinen.

«ArselorMıttal Temirtaý» AQ HÝ-1 koksohımııalyq óndirisinde bıylǵy 26 maýsym kúni saǵat 16.15-te temir-beton tútin murjasy opyrylyp, jarylǵan. №5 koks batareıasynyń aralyq jylý qabyrǵasyndaǵy órtelgen ónimderdi joıýǵa arnalǵan murja úshke bólinip ketken. Murjanyń syrtqy dıametri 11 metrdi, bıikti 90 metrdi quraıdy», - delingen taratylǵan habarlamada.

Murjanyń opyrylý saldarynan dıametri 2000 mm tikeleı koks gazynyń gaz qubyryna zaqym kelip, onyń sońy koks gazynyń, kómir daıyndaý tsehy galereıasynyń janýyna soqtyrdy. Koksohımııalyq óndiristiń hımııalyq ustaý tsehynyń jumysy toqtatyldy.

«3 jáne 4 koks batareıalary áli de jumys isteýde. Domendi, aglodomendi jáne prokattyq óndiristiń jumysy shekteldi», - dep atap ótilgen habarlamada.

Tilsiz jaý saǵat saǵat 17.45-te aýyzdyqtaldy. Abyroı bolǵanda, adam shyǵyny joq.

«QR Úkimet basshysynyń tapsyrmasymen oqys oqıǵa ornyna vıtse-premer-ındýstrııa jáne jańa tehnologııalar mınıstri Áset Isekeshev attandy. Ol shtab otyrysyn ótkizedi», - dep kórsetilgen habarlamada.

Kompanııadan málim etilgendeı, oqıǵanyń sebepterin anyqtaý maqsatynda arnaıy komıssııa qurylǵan. «Kombınattyń jumysy ishinara toqtatyldy. Peshter qyzmeti báseńdetildi. Ázirge apattyq sebepteri anyqtalý ústinde. Apatty joıý jospary ázirlenýde», - dep túsindirdi «ArselorMıttal Temirtaý» AQ jóndeý boıynsha atqarýshy dırektordyń orynbasary Vadım Basın.

«ArselorMıttal Temirtaý» AQ ArcelorMittal transulttyq kompanııasynyń quramyna enedi jáne elimizdiń ken-metallýrgııalyq salasyndaǵy iri kásiporyn bolyp tabylady. Onyń enshisinde Temirtaý qalasyndaǵy metallýrgııalyq kombınat, Qaraǵandy oblysyndaǵy 8 kómir shahtasy, Qaraǵandy, Aqmola jáne Qostanaı oblystaryndaǵy temir kenin óndirýdiń 4 oshaǵy bar.