ShUǴYL: Atyraýlyq lańkester Almatynyń ortalyǵyna jarylǵysh zat ornatqan
ATYRAÝ. 27 qyrkúıek. QazAqparat - Lańkestik qyzmetteri úshin uzaq merzimdi qamaýǵa alyný jazasyna kesilgen Atyraý qalasynyń bes turǵyny jarylǵysh zatty Almaty ortalyǵynda iske qosýdy josparlap qana qoımaı, ony sonda ornatqan,
dep habarlaıdy aımaqtyq «Aq Jaıyq» gazeti aıyptaý qorytyndylaryn baıandaı kele.
Esterińizge sala keteıik, Atyraýda qyzmet etip júrgen lańkestik top týraly 2011 jyldyń 31 qazanynda, oblystyq ákimdik jáne prokýratýranyń janynda aralyǵy birneshe mınýt bolǵan jarylystardan keıin belgili boldy. Oqıǵa ornynda qala turǵyny Baýyrjan Sultanǵalıev qaza tapty. Kóp uzamaı onyń bes sybaılasy ustalyp, uzaq merzimge bas bostandyǵynan aıyrý jazasyna kesildi.
Tergeý barysynda anyqtalǵandaı, Atyraýda lańkestik áreketterdi jasaýǵa deıin qylmystyq top Almatyǵa baryp, onda jarylǵysh zatty iske qosýdy josparlaǵan.
«3 qazan kúni tańǵy saǵat 5:30-da Sultanǵalıev pen Ságenov jarylǵysh zatty josparlaǵan orynǵa ákelip, ony QR Ulttyq bankiniń Qarjy naryǵyn jáne qarjylyq uıymdardy baqylaý jáne qadaǵalaý komıteti ǵımaratynyń buryshynda ósip jatqan shyrsha aǵashynyń túbine, ıaǵnı QR SІM-niń konsýldyq qyzmeti ǵımaratyna jaqyn jerge qoıyp ketken. Odan keıin jalǵa alynǵan páterlerine oralǵan. Shamamen tańǵy saǵat 9-da Sultanǵalıev QR SІM-niń konsýldyq qyzmeti ǵımaratynyń qasyna kelip, jarǵysh tetikti iske qospaqshy bolǵan. Alaıda qural jumys istemeı qaldy», - dep baıandalady tergeý materıaldarynda.
«Jarylǵysh mehanızmin nege iske qosa almaǵanyn lańkesterdiń ózderi tergeý barysynda ǵana bildi. Ol sol kúni, ıaǵnı 2011 jyldyń 3 qazanynda shamamen tańǵy saǵat 6:30-da Ulttyq bankiniń sypyrýshysy aýmaqty jınaý kezinde jarylǵysh zatty kezdeısoq anyqtap, ony QR SІM-niń konsýldyq qyzmeti ǵımaratynyń artynda, anyqtalǵan jerinen 70 metr qashyqtyqta ornalasqan qoqys konteınerine laqtyryp jiberdi. Sypyrýshynyń kýágerlik túsiniktemelerinshe, shyrsha astynda ishinde sary tústi kóbikti suıyqtyq quıylǵan bes lıtrlik plastık ydysy jatqan jol dorbasy jatqan. Bótelkeden birneshe sym shyǵyp turdy. Bul kezde belgili bir baılanystar isten shyǵyp, Almatydaǵy jurtshylyq kóp júretin bul oryndaǵy jarylystyń bolmaýy sodan da bolar.
Buryn habarlanǵandaı, 2012 jyldyń 2 sáýirinde Atyraýdaǵy № 2 qalalyq sotynyń ókimimen lańkestik tobynyń barlyq qatysýshylary 6 jyldan 11 jylǵa deıin bas bostandyǵynan aıyrý jazasyna kesildi.
