ShUǴYL: Atyraýda jappaı tóbeleste Qytaıdyń 4 azamaty zardap shekti
ATYRAÝ. 15 tamyz. QazAqparat - Atyraýda 13 tamyzda keshke bolǵan jappaı tóbeleste QHR-dyń 4 azamaty zardap shekti.
Eske sala keteıik, Atyraý munaı óńdeý zaýytynda jańa keshen salyp jatqan qytaılyq «SINOPEK» kompanııasyndaǵy tóbeleske keminde 30 adam qatysty.
Atyraý oblystyq ІІD baspasóz qyzmetiniń jetekshisi Gúlnázıra Muhtarovanyń aıtýynsha, tóbeles «SINOPEK» kompanııasynyń jáne merdiger uıymdardyń sheteldik jáne qazaqstandyq qyzmetkerleri turatyn «Eýrazııa stroı kapıtal» JShS jataqhanasynda bolǵan.
4 adam dene jaraqattarymen oblystyq aýrýhanaǵa qaraldy. Qajetti kómek kórsetilgennen keıin olar úılerine jiberildi. Jedel járdem medıtsınalyq kómek aýrýhanasynan túsken resmı emes aqparat boıynsha, zardap shekkenderdiń bári de araq ishken.
«Eýrazııa stroı kapıtal» kompanııasy tóbeleske qysqasha túsindirme berdi. Janjal «SINOPEK» qytaı qyzmetkerleri men Qazaqstanǵa Qytaıdan kelgen oralmandar arasynda bolǵan. Onyń sebebi negizinen turmystyq janjal bolsa kerek.
Seısenbi kúni jataqhanada turatyn 110 QHR azamaty men 90 Qazaqstan azamaty jumysqa shyqqan joq.
Atyraý munaı óńdeý zaýytynda olar hosh ıisti kómirsýtekter - benzol men paraksılol shyǵaratyn jáne munaıdy tereńdete óńdeý keshenin salýǵa qatysýda.
